बर्दिया

राष्ट्रिय विपद् जोखिम न्यूनीकरण तथा व्यवस्थापन प्राधिकरणले पश्चिम तराईका ६ जिल्लामा अत्यधिक गर्मी र तातो हावाको लहर चल्ने सम्भावना रहेको भन्दै सतर्कता अपनाउन आग्रह गरेको छ । लुम्बिनी र सुदूरपश्चिम प्रदेशका तराईका भूभागमा अधिकतम तापक्रम ४० डिग्री सेल्सियस वा सोभन्दा बढी पुग्ने र मध्यम तातो लहर चल्ने सम्भावना छ । यसबाट मानव स्वास्थ्यमा गम्भीर असर पर्न सक्ने बताइएको छ ।

जलवायु परिवर्तनका कारण बढ्दो तापक्रमको असर पठनपाठनमा पर्न थालेपछि लुम्बिनी र सुदूरपश्चिम प्रदेशका केही विद्यालयमा 'कूल रूफ टेक्नोलोजी' अन्तर्गत रिफ्लेक्टिभ पेन्टको प्रयोग सुरु गरिएको छ। स्थानीय सरकार र प्राक्टिकल एक्सनको सहयोगमा कैलाली, कञ्चनपुर र बर्दियाका विद्यालयमा यो प्रविधि परीक्षण गरिएको हो। यो पेन्टले सूर्यको प्रकाश र तापलाई परावर्तन गरी कक्षाकोठालाई चिसो राख्न मद्दत गर्छ।