बुण्डिबुग्यो भाइरस

रुसले अफ्रिकामा बढ्दो इबोला सङ्क्रमणको जोखिमलाई मध्यनजर गर्दै 'बुन्डिबुग्यो' स्ट्रेनविरुद्ध प्रभावकारी हुन सक्ने नयाँ खोप विकास गरेको दाबी गरेको छ। रुसी स्वास्थ्यमन्त्री मिखाइल मुराश्कोलाई उद्धृत गर्दै दक्षिण अफ्रिकास्थित रुसी दूतावासले उक्त खोपले दुर्लभ स्ट्रेनबाट सुरक्षा दिन सक्ने सम्भावना रहेको जनाएको छ। यसबीच, विश्व स्वास्थ्य सङ्गठनले कङ्गो र युगान्डामा देखिएको प्रकोपलाई अन्तर्राष्ट्रिय चासोको सार्वजनिक स्वास्थ्य आपतकालका रूपमा वर्गीकृत गरेको छ।

विश्व स्वास्थ्य संगठन (डब्लुएचओ) ले प्रजातान्त्रिक गणतन्त्र कंगोको पूर्वी इतुरी प्रान्तमा फैलिएको इबोला प्रकोपलाई ‘अन्तर्राष्ट्रिय चासोको सार्वजनिक स्वास्थ्य आपतकाल’ घोषणा गरेको छ। यो प्रकोप ‘बुन्डिबुग्यो’ प्रजातिको भाइरसका कारण फैलिएको हो, जसका लागि अहिलेसम्म प्रमाणित औषधि वा खोप उपलब्ध छैन। संक्रमण छिमेकी युगान्डासम्म फैलिएको छ, जहाँ २ जनामा इबोला पुष्टि भएको छ।