बोस्टन

न्यूयोर्कस्थित नेपाली महावाणिज्यदूतावासले मे २३ मा बोस्टनमा कन्सुलर सेवा शिविर आयोजना गर्ने भएको छ। यो शिविर म्यासाचुसेट्सको ब्रेन्ट्रि स्थित पशुपतिनाथ बुद्ध टेम्पल एन्ड नेपाली कम्युनिटी सेन्टरमा बिहान ९ बजेदेखि साँझ ५ बजेसम्म सञ्चालन हुनेछ। शिविरमा राहदानी नवीकरण, ट्राभल डकुमेन्ट, एनआरएन कार्ड र टुरिस्ट भिसा जस्ता सेवाहरू उपलब्ध हुनेछन्।

वरिष्ठ भारतीय पत्रकार सुधीर चौधरीले अमेरिकाको बोस्टनबाट सञ्चालित भनिएको 'कक्रोच पार्टी' नामक राजनीतिक समूहका दाबीहरूलाई भ्रमपूर्ण र आधारहीन भन्दै खण्डन गरेका छन्। डिडि न्युजमा प्रसारित 'डिकोड लाइभ' कार्यक्रममा चौधरीले यो अभियान प्रधानमन्त्री नरेन्द्र मोदीको छविलाई कमजोर पार्ने उद्देश्यले योजनाबद्ध रूपमा चलाइएको दाबी गरे।