भूपेन्द्र जैसी

पश्चिम जाजरकोटमा कर्णाली प्रदेश सरकारको लगानीमा तीन पक्की पुलहरूको निर्माण कार्यले गति लिएको छ। यसमध्ये छेडागाड नगरपालिका–६ सुवानाउली र जुनिचाँदे–५ लामाताराको छेडाखोलामा ४२.७ मिटर लामो ‘बेलिब्रिज’ निर्माणकार्य सम्झौता समयभन्दा अगाडि नै सम्पन्न भएको छ। लम्तीखोलामा २५ मिटरको पक्की पुल र शिवालय गाउँपालिका–२/८ जोड्ने २५ मिटरको दुई पीपल सडक पुलको निर्माण कार्य सुरु भएको छ।