योगेश भट्टराई

नेकपा (एमाले) को केन्द्रीय सचिवालय बैठकमा अध्यक्ष केपी शर्मा ओलीलाई पदबाट राजीनामा दिनुपर्ने दबाब बढेको छ। महासचिव शंकर पोखरेलसहित अधिकांश सचिवालय सदस्यहरूले पार्टीको वर्तमान अवस्थामा अघि बढ्न नसक्ने भन्दै सुधार वा नेतृत्व परिवर्तनको आवश्यकता औंल्याएका छन्। उपमहासचिव योगेश भट्टराईले भने ओलीलाई सिधै राजीनामा दिन आग्रह गरेका छन्।

नेकपा (एमाले) को सचिवालय बैठकमा महासचिव, उपमहासचिव र सचिवहरूले आ-आफ्नो धारणा राख्ने क्रम जारी छ। पार्टी अध्यक्ष केपी शर्मा ओलीको निवासमा बसेको बैठकमा अधिकांश पदाधिकारीले धारणा राखिसकेका छन् र बाँकीले आइतबार राख्नेछन्। सबैको धारणापछि प्रस्तावित एजेन्डामाथि निर्णय प्रक्रिया अघि बढाइने उपमहासचिव लेखराज भट्टले जानकारी दिएका छन्।

नेकपा (एमाले)को सचिवालय बैठकले उपाध्यक्ष रामबहादुर थापा बादलको नेतृत्वमा निर्वाचन समीक्षा र पार्टी पुनर्गठनसम्बन्धी सुझाव प्रतिवेदन पेस गर्न कार्यदल गठन गरेको छ। बैठकले असारको तेस्रो साता केन्द्रीय कमिटी बैठक बोलाउने निर्णय पनि गरेको छ।

नेकपा एमालेको गुण्डुस्थित सचिवालय बैठकमा उपमहासचिव योगेश भट्टराईले अध्यक्ष केपी शर्मा ओलीलाई राजीनामा दिन आग्रह गरेका छन्। यसअघि शुक्रबार बसेको बैठकमा चार जना उपाध्यक्षहरूले पनि ओलीलाई पार्टी पुनर्गठनमा सहयोग गर्न राजीनामाको सुझाव दिएका थिए।