रसुवा प्रहरी

रसुवा प्रहरीले दुई छुट्टाछुट्टै घटनामा विदेशी मुद्रासहित दुई जनालाई पक्राउ गरेको छ। एक जनाको साथबाट १४ हजार ५ सय अमेरिकी डलर र अर्का एक जनाको साथबाट ४३ हजार अमेरिकी डलर बरामद गरिएको छ। पक्राउ परेका व्यक्तिहरूलाई थप अनुसन्धानका लागि राजस्व अनुसन्धान विभाग पठाइएको छ।

रसुवा प्रहरीले मानसरोवर कैलाश यात्रामा जाँदै गरेका सुशील गुरुङलाई ४३ हजार अमेरिकी डलर गैरकानुनी रूपमा बोकेको आरोपमा पक्राउ गरेको छ। यसैबीच, काठमाडौंको खिचापोखरीबाट प्रहरीले ६ करोड रुपैयाँबराबरको विद्युतीय चुरोट (भेप) बरामद गरी अवैध कारोबारमा संलग्न नवीन खड्कालाई पक्राउ गरेको छ।