राजाराम बस्नेत

नेपाली सेनाले विगतका अनुभवका आधारमा यस वर्षको मनसुन पूर्वतयारी तथा प्रतिकार्य योजना कार्यान्वयनमा ल्याएको छ। यसका लागि संघीय, प्रदेश र स्थानीय निकाय, सुरक्षा निकाय, गैरसरकारी संस्था र समुदायसँग सहकार्यलाई प्राथमिकता दिइएको छ। सेनाले बाढी, पहिरो जस्ता विपद्मा तत्काल उद्धार गर्न फौज, खोज तथा उद्धार टोली, हेलिकप्टर, बेलिब्रिज र स्वास्थ्य टोली तयारी अवस्थामा राखेको छ।