नेपाली सेना

नेपालमा मनसुनी विपद्का घटनामा खोज तथा उद्धारका लागि सरकारले १३४ गोताखोरसहित २६ हजार २१९ सुरक्षाकर्मी तयारी अवस्थामा राखेको छ। राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार तीनवटै सुरक्षा निकायका जनशक्ति देशभर आवश्यकता अनुसार परिचालित हुनेछन्। प्राधिकरणकी प्रवक्ता शान्ति महतले मनसुनी विपद्का लागि राष्ट्रिय प्रतिकार्ययोजना तयार पारी लागू भइसकेको र निकायहरूलाई जिम्मेवारी तोकिएको बताइन्।

प्रजातान्त्रिक गणतन्त्र कंगो र आसपासका देशमा फैलिएको इबोला भाइरसको नयाँ संक्रमणले नेपालमा चिन्ता बढाएको छ। यसको मुख्य कारण कंगो र छरछिमेकका देशमा करिब २,२०० नेपाली सेना खटिएका छन्। स्वास्थ्यविद्हरूले अफ्रिकाबाट नेपाल आउजाउ गर्नेको संख्या बढेकाले थप सतर्कता अपनाउनुपर्नेमा जोड दिएका छन्।

नेपाली सेनाको आयोजना तथा नेपाल टेनिस सङ्घको प्राविधिक सहयोगमा सञ्चालित प्रधानसेनापति राष्ट्रिय खुला टेनिस प्रतियोगिता–२०८३ को चौथो संस्करण सम्पन्न भएको छ। समापन समारोहमा प्रधानसेनापति अशोकराज सिग्देलले त्रिभुवन आर्मी क्लबलाई च्याम्पियन घोषणा गर्दै पुरुष एकलका विजेता प्रदीप खड्का र महिला एकलका विजेता सिभाली गुरुङलाई ट्रफी र प्रमाणपत्र प्रदान गरेका छन्। प्रतियोगितामा विभिन्न विधामा उत्कृष्ट हुने खेलाडीहरूलाई पनि पुरस्कार वितरण गरिएको थियो।

राजविराजमा जारी राष्ट्रिय भारोत्तोलन प्रतियोगितामा विभिन्न तौल समूहमा खेलाडीहरूले नयाँ राष्ट्रिय कीर्तिमान कायम गरेका छन्। प्रतियोगितामा नेपाल प्रहरी, नेपाली सेना, सशस्त्र प्रहरी र सातै प्रदेशका खेलाडीहरूको सहभागिता रहेको छ।

सङ्खुवासभामा शल्यक्रियापछि अत्यधिक रक्तस्राव भएकी एक सुत्केरी महिलाको नेपाली सेनाको हेलिकप्टरमार्फत उद्धार गरिएको छ। जिल्ला अस्पतालमा उपचार सम्भव नभएपछि स्वास्थ्य अवस्था गम्भीर बनेकी ३० वर्षीया सविता मगरलाई राष्ट्रपति महिला उत्थान कार्यक्रमअन्तर्गत काठमाडौँको प्रसूति गृहमा पठाइएको छ।

धादिङको रुबीभ्याली गाउँपालिका-३ मा साइक्लिङ गरिरहेका एक पुरुष भीरबाट करिब २०० मिटर तल खसेर अड्किएपछि नेपाली सेनाको टोलीले उनको उद्धार गरेको छ। जेठ १० गते भएको उक्त घटनामा घाइते भएका पुरुषलाई घटनास्थलमै प्राथमिक उपचार गरी सात किलोमिटर स्ट्रेचरमा बोकेर हेलिकोप्टरमार्फत काठमाडौँ पठाइएको छ।

नेपाली सेनाले विगतका अनुभवका आधारमा यस वर्षको मनसुन पूर्वतयारी तथा प्रतिकार्य योजना कार्यान्वयनमा ल्याएको छ। यसका लागि संघीय, प्रदेश र स्थानीय निकाय, सुरक्षा निकाय, गैरसरकारी संस्था र समुदायसँग सहकार्यलाई प्राथमिकता दिइएको छ। सेनाले बाढी, पहिरो जस्ता विपद्मा तत्काल उद्धार गर्न फौज, खोज तथा उद्धार टोली, हेलिकप्टर, बेलिब्रिज र स्वास्थ्य टोली तयारी अवस्थामा राखेको छ।

नेपाली सेनाले जङ्गी अड्डामा अवकाशप्राप्त रथीहरूसँग अन्तरक्रिया एवं भेटघाट कार्यक्रम सम्पन्न गरेको छ । शुक्रबार सम्पन्न उक्त कार्यक्रममा नेपाली सेनाले स्थापनाकालदेखि बहन गरिरहेको जिम्मेवारी, महत्वपूर्ण कार्यहरू र कल्याणकारी गतिविधिको समीक्षा गर्दै राष्ट्रिय सुरक्षासँग सम्बद्ध समसामयिक विषयमा छलफल भएको नेपाली सेनाले जानकारी दिएको छ । प्रधानसेनापति अशोकराज सिग्देलले नेपाली सेनाको आधुनिकीकरण र क्षमता विकासमा अग्रज नेतृत्वबाट प्राप्त प्रेरणाको प्रशंसा गरेका थिए ।

नेपाली सेनाले जङ्गी अड्डामा अवकाश प्राप्त रथीहरूसँग अन्तरक्रिया एवं भेटघाट कार्यक्रम सम्पन्न गरेको छ। शुक्रबार सम्पन्न उक्त कार्यक्रममा नेपाली सेनाले स्थापनाकालदेखि बहन गरिरहेको जिम्मेवारी, महत्वपूर्ण कार्यहरू र कल्याणकारी गतिविधिको समीक्षा गर्दै राष्ट्रिय सुरक्षासँग सम्बद्ध समसामयिक विषयहरूमा छलफल भएको जानकारी दिएको छ। प्रधान सेनापति अशोकराज सिग्देलले नेपाली सेनाको आधुनिकीकरण तथा क्षमता विकासका लागि अग्रज नेतृत्वबाट प्राप्त प्रेरणाको प्रशंसा गरेका छन्।

नेपाली सेनाले जंगी अड्डामा अवकाशप्राप्त रथीहरूसँग अन्तरक्रिया एवं भेटघाट कार्यक्रम सम्पन्न गरेको छ । शुक्रबार सम्पन्न उक्त कार्यक्रममा नेपाली सेनाले स्थापनाकालदेखि बहन गरिरहेको जिम्मेवारी, महत्त्वपूर्ण कार्यहरू र कल्याणकारी गतिविधिको समीक्षा गर्दै राष्ट्रिय सुरक्षासँग सम्बद्ध समसामयिक विषयहरूमा छलफल गरेको जानकारी दिएको छ । प्रधान सेनापति अशोकराज सिग्देलले नेपाली सेनाको आधुनिकीकरण तथा क्षमता विकासका लागि अग्रज नेतृत्वबाट प्राप्त प्रेरणाप्रति सम्मान व्यक्त गरेका थिए ।