रेश्मिका परियार

खोटाङको दिप्रुङ चुइचुम्मा गाउँपालिका–४ बतासेकी रेश्मिका परियारको हत्या प्रकरणमा संलग्न रहेको अभियोगमा प्रहरीले उच्च अदालत ओखलढुङ्गाको आदेशपछि थप तीन युवालाई पक्राउ गरेको छ। पक्राउ पर्नेमा हेमन परियार, दीपक श्रेष्ठ र दीपक राई रहेका छन्। यसअघि यस प्रकरणमा एक किशोरलाई पक्राउ गरी कारागार चलान गरिएको थियो।

प्रहरीले गत माघमा बौद्धबाट पक्राउ परेका प्रेम थारुमाथि चोरी र सम्पत्ति शुद्धीकरणसम्बन्धी मुद्दामा कारबाही गर्न माग गर्दै जिल्ला अदालत काठमाडौंमा अनुसन्धान प्रतिवेदन र अभियोग पत्र दायर गरेको छ। थारुले चोरीको रकमबाट घर, जग्गा र गाडी किनेको तथा विभिन्न बैंक खातामा करोडौंको कारोबार गरेको अभियोगमा उल्लेख छ।