जिल्ला प्रहरी कार्यालय स्याङ्जा

खोटाङको दिप्रुङ चुइचुम्मा गाउँपालिका–४ बतासेकी रेश्मिका परियारको हत्या प्रकरणमा संलग्न रहेको अभियोगमा प्रहरीले उच्च अदालत ओखलढुङ्गाको आदेशपछि थप तीन युवालाई पक्राउ गरेको छ। पक्राउ पर्नेमा हेमन परियार, दीपक श्रेष्ठ र दीपक राई रहेका छन्। यसअघि यस प्रकरणमा एक किशोरलाई पक्राउ गरी कारागार चलान गरिएको थियो।

सर्लाहीको पर्सा गाउँपालिका–१ नजिक नेपाल–भारत सीमास्थित दशगजा क्षेत्रमा एक पुरुष मृत फेला परेका छन्। प्रहरीले मृतकको हातमा ‘जगन राउत’ लेखिएको बाला फेला पारेको छ र घटनाको विस्तृत अनुसन्धान गरिरहेको छ।

मेडिकल व्यवसायी दुर्गा प्रसाईंलाई पर्सा जिल्ला अदालतले साधारण तारेखमा रिहा गर्न आदेश दिएको छ। अदालतको आदेशपछि उनी थुनामुक्त भएका हुन् र अब जेलबाहिरै रहेर कानुनी प्रक्रियाको सामना गर्नेछन्। प्रसाईंविरुद्ध साइबर अपराध र राज्यविरुद्धको कसुरमा मुद्दा दर्ता गरिएको थियो।

सर्वोच्च अदालतले मेडिकल व्यवसायी दुर्गा प्रसाईंले दायर गरेको बन्दी प्रत्यक्षीकरणको रिट खारेज गर्दै हिरासतमा राख्न म्याद थप नगर्न परमादेश जारी गरेको छ। न्यायाधीश विनोद शर्मा र नित्यानन्द पाण्डेयको संयुक्त इजलासले प्रसाईंमाथिको अनुसन्धान निर्धारित म्यादभित्रै सम्पन्न गर्न आदेश दिएको छ।

अर्घाखाँचीमा जंगली विषालु च्याउ खाँदा ४७ वर्षीया मनकला भुसालको उपचारका क्रममा मृत्यु भएको छ। जेठ ६ गते जंगलबाट ल्याइएको च्याउ खाएपछि उनी बिरामी परेकी थिइन्। उनको मंगलबार लुम्बिनी प्रादेशिक अस्पताल, बुटवलमा उपचारका क्रममा मृत्यु भएको जिल्ला प्रहरी कार्यालय अर्घाखाँचीले जनाएको छ।

रौतहटमा सोमबार साँझ आएको हुरीले घर भत्किँदा ३५ वर्षीया फूलकुमारी देवीको मृत्यु भएको छ। उनको उपचारका क्रममा अस्पतालमा ज्यान गएको जिल्ला प्रहरी कार्यालयले जनाएको छ। यसैबीच, जिल्ला प्रहरी कार्यालयले विभिन्न मुद्दामा फरार रहेका १० जनालाई पक्राउ गरेको छ।

सिरहामा एक दलित महिलामाथि कुटपिट गरेको आरोपमा प्रहरीले पवित्रनारायण यादवलाई पक्राउ गरेको छ। गत वैशाख २७ गते यादवको खेतमा भैँसी पसेको निहुँमा फूलकुमारी मण्डललाई कुटपिट गरेको आरोप छ। पीडितले अभद्र व्यवहारसम्बन्धी कसुरमा जाहेरी दर्ता गराएपछि यादवलाई नियन्त्रणमा लिइएको हो।

सिरहामा एक दलित महिलामाथि कुटपिट गरेको आरोपमा प्रहरीले पवित्रनारायण यादवलाई पक्राउ गरेको छ। यादवमाथि स्थानीय फूलकुमारी मण्डललाई गत वैशाख २७ गते आफ्नो भैँसी खेतमा पसेको निहुँमा कुटपिट गरेको आरोप छ। पीडित मण्डलले अभद्र व्यवहारसम्बन्धी कसुरमा जाहेरी दर्ता गराएपछि प्रहरीले यादवलाई नियन्त्रणमा लिएको हो।

सङ्खुवासभाको मकालु गाउँपालिका–५ माङ्सिमास्थित फोक्टेमा पहिरो जाँदा स्थानीय दिलबहादुर गुरुङको भेडीगोठ पुरिएको छ । पहिरोमा परी २१८ भेडा बेपत्ता भएका छन् भने गोठाला झलक गुरुङ घाइते भएका छन् । जिल्ला प्रहरी कार्यालयका प्रहरी नायब उपरीक्षक कुमारप्रसाद मैनालीका अनुसार, २५० भेडामध्ये ३२ वटा मात्र जीवित फेला परेका छन् ।

सुनसरी जिल्लामा पछिल्लो समय जघन्य अपराधको ग्राफ तीव्र गतिमा उकालो लागेको छ। चालु आर्थिक वर्ष २०८२/८३ को वैशाख मसान्तसम्म मात्रै जिल्लामा ४४४ वटा जघन्य अपराधका मुद्दा दर्ता भएका छन्। कुल जघन्य अपराधमध्ये आधाभन्दा बढी लागूऔषध कारोबार तथा प्रयोगसँग सम्बन्धित छन्।