लायन्स क्लब

पोखरा महानगरपालिकाले फिर्केखोलाको प्राकृतिक बहाव कायम राख्ने र खोला संरक्षण गर्ने उद्देश्यले खोला मिचेर निर्माण गरिएका अवैध संरचना हटाउन डोजर अभियान सुरु गरेको छ। महानगरले दिएको सूचनाको म्याद सकिएपछि आइतबारदेखि तीन विभिन्न स्थानबाट एकैसाथ यो अभियान अघि बढाएको हो। महानगर प्रमुख धनराज आचार्य आफैँ फिल्डमा उपस्थित भएर अभियानको अनुगमन तथा नेतृत्व गरिरहेका छन्।

पोखरा महानगरपालिकाले बजारको मध्यभाग भएर बग्ने फिर्केखोलाको खोलाघरभित्र बनेका अतिक्रमित संरचना हटाउन सुरु गरेको छ। सार्वजनिक जमिन अतिक्रमण गरी बनाइएका संरचना हटाउन महानगरले ३५ दिने सूचना जारी गरेको थियो, जसको म्याद सकिएपछि अभियान थालिएको हो। महानगर प्रमुख धनराज आचार्यका अनुसार २०८० असारमा गरिएको नापजाँच प्रतिवेदनका आधारमा खोलाघरभित्रका सबै संरचना हटाइनेछ।