विद्यादेवी भण्डारी

नेकपा (एमाले)को सचिवालय बैठकमा अध्यक्ष केपी शर्मा ओली अल्पमतमा परेका छन्। बैठकमा पार्टी पुनर्गठनको बहस चलेको थियो। ओलीले आफू नेतृत्व नछाड्ने र सचिवालयले छाड भन्दैमा नछाड्ने अडान राख्दै केन्द्रीय समितिमा फेस गर्ने बताएका छन्।

नेकपा (एमाले)ले पूर्वराष्ट्रपति विद्यादेवी भण्डारीलाई पार्टी सदस्यता दिने निर्णय गरेको छ। सोमबार अध्यक्ष केपी शर्मा ओलीको निवासमा बसेको सचिवालय बैठकले भण्डारीको सदस्यता नवीकरण गर्ने निर्णय गरेको हो। यसअघि पार्टीले भण्डारीको सदस्यता नवीकरण नगर्ने निर्णय गरेको थियो।

पूर्वराष्ट्रपति विद्यादेवी भण्डारीले जननेता मदन भण्डारीलाई विचार निर्माण गर्ने र राजनीतिक आन्दोलनलाई सैद्धान्तिक आधार प्रदान गर्ने दूरदर्शी नेताको संज्ञा दिएकी छन्। काठमाडौंमा आयोजित 'मिडियामा मदन भण्डारी' पुस्तक विमर्श तथा युवा बहस कार्यक्रममा बोल्दै उनले भण्डारीका राजनीतिक चुनौतीहरूको विश्लेषण, व्याख्या र समाधान प्रस्तुत गर्ने शैलीलाई पुस्तकमा समेटिएको उल्लेख गरिन्। भण्डारी सामान्य राजनीतिक नेता मात्र नभई विचार निर्माण गर्ने चिन्तक तथा सिद्धान्तकार भएको र जनताको आकांक्षालाई राजनीतिक कार्यक्रमसँग जोड्ने कुशल नेतृत्वकर्ता भएको धारणा उनले राखिन्।

नेकपा एमालेभित्र पदाधिकारी र केन्द्रीय सदस्यहरूको कार्यविभाजन प्रस्तावलाई लिएर पार्टीभित्र ठूलो असन्तुष्टि देखिएको छ। अध्यक्ष केपी शर्मा ओलीको प्रस्तावमाथि पार्टीभित्रैबाट प्रश्न उठेपछि यसलाई कार्यविभाजनको मात्र नभई आगामी नेतृत्व हस्तान्तरणको लडाइँका रूपमा समेत हेरिएको छ। यसले ओलीको पार्टीभित्रको एकछत्र विरासतमाथि धक्का लागेको संकेत गरेको छ।

नेपाल कम्युनिष्ट पार्टी (एमाले) र नेपाल कम्युनिष्ट पार्टी (नेकपा) बीच पार्टी एकताका लागि आन्तरिक छलफलले तीव्रता पाएको छ। पूर्वराष्ट्रपति विद्यादेवी भण्डारीको नेतृत्वमा वामपन्थी पार्टीहरूलाई एक ठाउँमा ल्याउने प्रयास सुरु भएको छ। दुवै पार्टीका नेताहरू आगामी प्रदेश र स्थानीय तहको निर्वाचनमा सम्भावित क्षति रोक्न र पार्टीलाई बलियो बनाउन एकतामा जोड दिइरहेका छन्।