सागर पौडेल

नारायणी नदी किनारमा बाढीले क्षति पुर्याउन सक्ने जोखिमयुक्त स्थानमा आपतकालीन तटबन्ध निर्माण गर्न सिँचाइ तथा जलस्रोत व्यवस्थापन आयोजना भरतपुरले १६ करोड ५० लाख रुपैयाँ बराबरको बोलपत्र आह्वान गरेको छ। भरतपुर महानगरपालिकाका विभिन्न वडामा तीन प्याकेजमा तटबन्ध निर्माण गरिनेछ। कानुनमन्त्री सोविता गौतमका अनुसार स्थानीयको माग सम्बोधन गर्दै संघीय बजेट व्यवस्थापन गरी बोलपत्र आह्वान गरिएको हो।