सागर भुसाल

राष्ट्रिय स्वतन्त्र पार्टीका महामन्त्री कविन्द्र बुर्लाकोटीले पार्टीले जनतालाई निराश हुन नदिने गरी काम गर्ने बताएका छन्। पर्वत सदरमुकाम कुश्माबजारमा आयोजित कार्यकर्ता भेटघाट कार्यक्रममा बोल्दै उनले नागरिकले अपेक्षा गरेअनुसार शिक्षा, स्वास्थ्य, रोजगारी र सुशासनका क्षेत्रमा प्रभावकारी काम गर्न सरकारलाई दबाब दिइने बताए। बुर्लाकोटीले जनताको निराशालाई आशामा बदल्न परिणाममुखी काम आवश्यक रहेको उल्लेख गर्दै काम गर्नका लागि समय र स्थिरता आवश्यक हुने धारणा राखे।