पर्वत

शारीरिक रुपमा दृष्टिविहीन सन्तोष सापकोटाले पर्वतको कुश्मामा रहेको २२८ मिटर अग्लो बन्जी जम्पबाट दोस्रो पटक साहसिक उडान भरेका छन्। यसअघि उनले सिन्धुपाल्चोकको भोटेकोशीमा रहेको बन्जी जम्पमा पनि कीर्तिमान कायम गरेका थिए। सापकोटा दृष्टिविहीन व्यक्तिहरू पनि साहसिक काम गर्न सक्छन् भन्ने सन्देश दिन सफल भएका छन्।

पर्वतको कुश्मा नगरपालिका–४ अर्मादीदेखि वडा नं २ खुर्कोट जोड्ने छिपछिपे–कोटगाउँ–खुर्कोट सडकखण्डको कालोपत्र गर्ने काम निर्धारित समयभन्दा डेढ महिनाअगावै सम्पन्न भएको छ । सडक निर्माण समितिका अध्यक्ष गणेशबहादुर क्षेत्रीका अनुसार बजेट अभावका कारण यस वर्ष गगनपानी माथिको घुम्तीसम्म मात्र कालोपत्र गरिएको छ ।

संसदीय समिति र संसद बैठकमा बाँदर आतंक गम्भीर समस्या बनेको भन्दै सांसदहरूले नियन्त्रणका लागि संघीय सरकारको ध्यानाकर्षण गराएका छन्। धनकुटा, गुल्मी, नुवाकोट, पर्वत लगायतका जिल्लाका सांसदहरूले बाँदर नियन्त्रण नभए कृषि क्षेत्रमा लगानीको अर्थ नहुने बताएका छन्। यसैबीच, सांसद आशिका तामाङले बाँदर मार्ने मागको विरोध गर्दै जंगलमा फलफूल खेती, काँडेतार र विद्युतीय धरापजस्ता उपाय सुझाएकी छिन्।

राष्ट्रिय स्वतन्त्र पार्टीका महामन्त्री कविन्द्र बुर्लाकोटीले पार्टीले जनतालाई निराश हुन नदिने गरी काम गर्ने बताएका छन्। पर्वत सदरमुकाम कुश्माबजारमा आयोजित कार्यकर्ता भेटघाट कार्यक्रममा बोल्दै उनले नागरिकले अपेक्षा गरेअनुसार शिक्षा, स्वास्थ्य, रोजगारी र सुशासनका क्षेत्रमा प्रभावकारी काम गर्न सरकारलाई दबाब दिइने बताए। बुर्लाकोटीले जनताको निराशालाई आशामा बदल्न परिणाममुखी काम आवश्यक रहेको उल्लेख गर्दै काम गर्नका लागि समय र स्थिरता आवश्यक हुने धारणा राखे।