हर्मुज जलमार्ग

इरानको इस्लामिक रिभोलुसनरी गार्ड कोर्प्स (आइआरजीसी) ले होर्मुज जलमार्गमा आफ्नो नियन्त्रण कडा पारेको छ, पछिल्लो २४ घण्टामा ३३ वटा जहाजलाई मात्र समन्वय र अनुमति लिएर पार गर्न दिएको जनाएको छ। आइआरजीसी नौसेनाले अमेरिकाविरुद्धको आक्रमणपछि उत्पन्न असुरक्षालाई ध्यानमा राख्दै यो 'स्मार्ट नियन्त्रण' कायम गरेको दाबी गरेको छ। इरानका अधिकारीहरूले यो कदम राष्ट्रिय सुरक्षाका लागि सम्भावित सैन्य आक्रमण रोक्न लक्षित रहेको बताएका छन्।

ब्रिटेनस्थित प्रकाशन लयड्स लिस्टका अनुसार, मे ११ देखि १७ सम्मको एक हप्तामा हर्मुज जलमार्गबाट ५४ वटा जहाजहरूले आवतजावत गरेका छन्, जुन अघिल्लो हप्ताको २५ जहाजको तुलनामा दोब्बरभन्दा बढी हो। यो वृद्धि इरानसँग सम्बन्धित व्यापार गतिविधि बढेकाले भएको बताइएको छ, यद्यपि अमेरिकाले लगाएका प्रतिबन्धहरू कायमै छन्।