हुतराज थापा

राष्ट्रिय मानव अधिकार आयोगले 'जेनजी' आन्दोलनबारे सार्वजनिक गरेको प्रतिवेदनमा आफ्नो नाम उल्लेख भएपछि सांसद आशिका तामाङले तीव्र असन्तुष्टि जनाएकी छन्। उनले आयोगले आफ्नो मानवीय कार्यलाई बेवास्ता गरी अभिव्यक्तिलाई मात्र निशाना बनाएको आरोप लगाएकी छन्। तामाङले आफू हिंसा वा तोडफोडमा संलग्न नरहेको र केवल अन्यायविरुद्ध बोलेको दाबी गरेकी छन्।

राष्ट्रिय मानव अधिकार आयोगले जेनजी आन्दोलनका क्रममा भएको मानवअधिकार उल्लंघनका घटनामा तत्कालीन नेपाल प्रहरी प्रमुख चन्द्र कुवेर खापुङ, सशस्त्र प्रहरी बलका महानिरीक्षक राजु अर्याल र राष्ट्रिय अनुसन्धान विभागका प्रमुख हुतराज थापामाथि कानुनबमोजिम कारबाही गर्न सरकारलाई सिफारिस गरेको छ। आयोगले उनीहरूलाई भविष्यमा कुनै पनि सरकारी सेवाको जिम्मेवारी नदिने गरी अभिलेख राख्न पनि सुझाव दिएको छ।

राष्ट्रिय मानव अधिकार आयोगले गत भदौ २३ र २४ गते भएको ‘जेनजी’ आन्दोलनका क्रममा मानव अधिकार उल्लङ्घन भएको निष्कर्ष निकाल्दै दोषीमाथि कारबाहीको सिफारिस गरेको छ। आयोगको प्रतिवेदनले आन्दोलनलाई हिंसात्मक बनाउन ‘टीओबी’ समूहको संलग्नता रहेको औंल्याएको छ। यसका साथै, सुरक्षा व्यवस्थापनमा कमजोरी देखिएको र केही व्यक्तिहरूले आवश्यकताभन्दा बढी बल प्रयोग गरेको आयोगको ठहर छ।