4 स्रोत · 5 समाचार

सुरु 4 दिन अघि · अपडेट 2 दिन अघि

नेपाल-चीन सीमा सुरक्षा बैठक लोमान्थाङमा सम्पन्न, अपराध र तस्करी नियन्त्रणमा छलफल

Photo · www.reportersnepal.com

मुस्ताङको लोमान्थाङमा नेपाल र चीनबीच सीमा सुरक्षासम्बन्धी समन्वयात्मक बैठक सम्पन्न भएको छ । बैठकमा दुई देशका सुरक्षा अधिकारी र जनप्रतिनिधिहरु सहभागी थिए । सीमा क्षेत्रमा हुने अपराध, चोरी तस्करी र अवाञ्छित गतिविधि नियन्त्रण तथा आवागमन सहज बनाउने विषयमा छलफल भएको मुस्ताङका प्रमुख जिल्ला अधिकारी अजिता शर्माले जानकारी दिइन् ।

• बैठकमा चीनको तिब्बतस्थित झोङ्बा काउन्टी सार्वजनिक सुरक्षा ब्युरोका आठ जनाको टोली सहभागी थियो ।
• नेपालतर्फबाट मुस्ताङका प्रमुख जिल्ला अधिकारी अजिता शर्मा, प्रहरी नायब उपरीक्षक छिरिङ किप्पा लामा र सशस्त्र प्रहरी नायब उपरीक्षक भेषराज गिरी सहभागी थिए ।
• लोघेकर दामोदरकुण्ड गाउँपालिका अध्यक्ष लोप्साङ छोम्फेल विष्ट र लोमान्थाङ गाउँपालिका उपाध्यक्ष छ्युमी विष्टलगायतको पनि उपस्थिति थियो ।
• दुई देशबीचको स्थानीय जनसरकार र प्रशासनबीचको सम्बन्धलाई थप प्रभावकारी बनाउने विषयमा पनि छलफल भएको थियो ।