3 स्रोत · 3 समाचार

सुरु 8 घण्टा अघि · अपडेट 7 घण्टा अघि

सरकारले नवप्रवर्तनमा पुँजीगत खर्चको १ प्रतिशत विनियोजन गर्ने घोषणा गर्‍यो

Photo · www.lumbinisanchar.com

सरकारले आगामी आर्थिक वर्ष २०८३/८४ को बजेटमा विज्ञान, प्रविधि, अनुसन्धान र नवप्रवर्तनका लागि पुँजीगत खर्चको न्यूनतम एक प्रतिशत रकम विनियोजन गर्ने घोषणा गरेको छ। अर्थमन्त्री डा. स्वर्णिम वाग्लेले सङ्घीय संसद्को संयुक्त बैठकमा बजेट प्रस्तुत गर्दै यस्तो घोषणा गरेका हुन्। बजेटमा नवउद्यम, स्टार्टअप र उद्यमशीलतालाई आर्थिक रूपान्तरणका आधार बनाइने उल्लेख छ।

• नवउद्यमलाई पहिचान, सीप, बजार र वित्तीय पहुँचसँग जोड्दै नाफा आबद्ध कर सहुलियत, सार्वजनिक खरिदमा प्राथमिक पहुँच, डिजिटल दर्ता तथा नियामकीय सहजीकरणमार्फत् सुदृढ बनाइनेछ।
• नवउद्यम वित्तपोषणलाई ऋणमा मात्र सीमित नराखी प्रारम्भिक चरणमा अनुदान, सम्भाव्यता प्रमाणित उद्यमका लागि सहुलियतपूर्ण कर्जा र विस्तार चरणमा वृद्धि पुँजीको व्यवस्था गरिनेछ।
• निजी क्षेत्र र गैरआवासीय नेपालीको सहलगानीलाई प्रोत्साहन गरिनेछ।
• व्यक्तिगत क्रेडिट स्कोरिङ प्रणाली लागू गर्दै ‘पियर टू पियर’ लेनदेनलाई नियमनसहित सञ्चालन गरिनेछ।
• बैङ्किङ क्षेत्रमा बढ्दो खराब कर्जा तथा गैरबैङ्किङ सम्पत्तिको व्यवस्थापन गर्न ‘राष्ट्रिय सम्पत्ति व्यवस्थापन कम्पनी’ पुस मसान्तसम्म स्थापना गरिनेछ।