Photo · www.nepaljapan.com
काठमाडौं उपत्यका अपराध अनुसन्धान कार्यालयको टोलीले बैंकिङ कसुर मुद्दामा फरार रहेका प्रणवलाल सिंहलाई काठमाडौँ महानगरपालिका–१३ छाउनीबाट पक्राउ गरेको छ। जिल्ला अदालत काठमाडौँले सिंहविरुद्ध पक्राउ पुर्जी जारी गरेको थियो। पक्राउ परेका सिंहलाई थप अनुसन्धानका लागि प्रहरी वृत्त जनसेवा पठाइएको छ।
तनहुँमा छोरी हत्या अभियोगमा आमा मैना थापा पक्राउ
तनहुँको शुक्लागण्डकी नगरपालिकामा ३१ दिनको छोरीलाई खाल्डोमा पुरेर हत्या गरेको अभियोगमा प्रहरीले मैना थापालाई पक्राउ गरेको छ। थापाले आफ्नै छोरी प्रिन्सीका थापालाई घरबेटीको करेसाबारीमा खाल्डो खनेर पुरेको अवस्थामा उनका श्रीमान् गोपाल थापाले फेला पारेका थिए। प्रारम्भिक अनुसन्धानमा थापाले डिप्रेसनको औषधि सेवन गर्दै आएको खुलेको छ।
लागूऔषध सहित विभिन्न स्थानबाट १७ जना पक्राउ
प्रहरीले देशका विभिन्न स्थानबाट लागूऔषध सहित १७ जनालाई पक्राउ गरेको छ। काठमाडौं, कञ्चनपुर, नुवाकोट र सुनसरी लगायतका स्थानमा लागूऔषध कारोबारमा संलग्न व्यक्तिहरूलाई प्रहरीले नियन्त्रणमा लिएको हो।
उच्च अदालत पाटनले पिकअप गाडीमा सिट थप गरी यात्रु बोक्ने अभ्यासबारे सरकारलाई निर्देशन
उच्च अदालत पाटनले सार्वजनिक सवारीका रूपमा दर्ता भएका पिकअप गाडीमा सुरक्षा निकायले सिट थप गरी यात्रु बोक्ने अभ्यासबारे कानूनी कार्यान्वयन सुनिश्चित गर्न सरकारलाई निर्देशनात्मक आदेश जारी गरेको छ। अधिवक्ता डेनिश मुस्यानले दायर गरेको रिटमा अदालतले सवारी तथा यातायात व्यवस्था ऐन, २०४९ को प्रभावकारी कार्यान्वयन सुनिश्चित गर्न निर्देशन दिएको हो।
-1778668160.jpg)
सर्वोच्चले विवाह इन्कार गर्दा आत्महत्या दुरुत्साहन नहुने व्याख्या गर्यो
सर्वोच्च अदालतले एक मुद्दामा विवाह गर्न इन्कार गर्दा आत्महत्या दुरुत्साहन ठहर नहुने व्याख्या गरेको छ। न्यायाधीशहरू कुमार रेग्मी र बालकृष्ण ढकालको इजलासले कैलालीको एक मुद्दामा यस्तो फैसला सुनाएको हो, जसको पूर्णपाठ हालै सार्वजनिक भएको छ। अदालतले केवल विवाह इन्कारलाई आत्महत्या दुरुत्साहन मान्नु फौजदारी न्यायमा विकृति ल्याउने ठहर गरेको छ।
