Photo · www.nepaljapan.com
संविधान संशोधन बहसपत्र तयार गर्ने कार्यदल, २०८३ को सचिवालयले आम नागरिकसँग राय सुझाव माग गरेको छ । संविधान संशोधन प्रक्रियामा सबै नेपाली नागरिकको सहभागिता सुनिश्चित गर्ने उद्देश्यले सात दिनभित्र लिखित सुझाव माग गरिएको हो । प्रधानमन्त्री वालेन्द्र शाहका राजनीतिक सल्लाहकार असिम शाह संयोजक रहेको कार्यदलले विभिन्न राजनीतिक दल, संविधानविद्, कानुनविद् र सरोकारवालाहरूसँग छलफल गरी सुझाव सङ्कलन गरिसकेको छ ।
संघीय संसद् भवनको नीलो रंग र डिजाइनमाथि बहस चर्कियो
सिंहदरबार परिसरमा निर्माण सम्पन्न भएको संघीय संसद् भवनको भित्री सजावट, विशेषगरी नीलो रंगको व्यापक प्रयोगले सार्वजनिक बहस निम्त्याएको छ। भवनको आन्तरिक रंग संयोजन र डिजाइन शैलीमाथि विभिन्न कोणबाट चर्चा सुरु भएको छ, जसलाई सामाजिक सञ्जालमा राजनीतिक संकेतसँग जोडेर पनि व्याख्या गरिएको छ।
संसद् सचिवालयले बजेट प्रस्तुतिको तयारी पूरा गर्यो, बहुउद्देश्यीय हलमा बैठक बस्ने
सङ्घीय संसद् सचिवालयले आगामी आर्थिक वर्ष २०८३/८४ को बजेट पेस गर्नका लागि संयुक्त बैठकको तयारी पूरा गरेको छ। अर्थमन्त्री डा. स्वर्णिम वाग्लेले शुक्रबार दिउँसो ४ बजे सिंहदरबारस्थित बहुउद्देश्यीय हलमा बजेट भाषण गर्नेछन्। नयाँ संसद् भवनको प्रतिनिधिसभा कक्षमा फिनिसिङ कार्य पूरा नभएकाले बहुउद्देश्यीय हलबाटै बैठक बस्ने भएको छ।
पुरानै हलबाट आगामी आर्थिक वर्षको बजेट प्रस्तुत हुने, तयारी पूरा
संघीय संसद् सचिवालयले आगामी आर्थिक वर्ष २०८३/८४ को बजेट शुक्रबार दिउँसो ४ बजे बहुउद्देश्यीय हलबाट प्रस्तुत गर्ने तयारी पूरा गरेको छ। अर्थमन्त्री डा. स्वर्णिम वाग्लेले बजेट पेस गर्नेछन्। नयाँ संसद् भवनको प्राविधिक काम नसकिएकाले पुरानै हलबाट बजेट प्रस्तुत गरिने भएको छ।
एनपी साउदद्वारा क्रियाशील सदस्यता विवाद नबढाउन नेपाली कांग्रेस नेतृत्वलाई आग्रह
नेपाली कांग्रेसका नेता एनपी साउदले पार्टीभित्र आन्तरिक एकता र समन्वयलाई प्राथमिकता दिन आग्रह गर्दै क्रियाशील सदस्यताको विषयलाई लिएर थप विवाद नगर्न नेतृत्वलाई सुझाव दिएका छन्। उनले विशेष अधिवेशनमा सहभागी नभएका नेताहरूलाई पनि समेटेर पार्टीभित्र मेलमिलाप र सहकार्यको वातावरण बनाउनुपर्ने आवश्यकता औँल्याएका छन्। साउदले सभापति गगन थापासँग असन्तुष्ट पक्षसँग संवाद र समन्वय अघि बढाउन आग्रह गरेका छन्।
