Photo · lokaantar.com
अष्ट्रेलियामा गरिएको एक अध्ययनले सामान्यभन्दा थोरै तापक्रम वृद्धिले पनि वन्यजन्तु बिरामी पर्ने, अस्पताल भर्ना हुने र मृत्यु हुने जोखिम उल्लेखनीय रूपमा बढाउने देखाएको छ। सिड्नी विश्वविद्यालयको नेतृत्वमा न्यू साउथ वेल्स राज्यका करिब १२ हजार वन्यजन्तुको दुई दशकको स्वास्थ्य अभिलेख विश्लेषण गर्दा औसत तापक्रम २७ डिग्री सेल्सियसभन्दा माथि पुगेपछि यस्तो जोखिम बढेको पाइएको छ। वैज्ञानिकहरूले जलवायु परिवर्तनका कारण वन्यजन्तुमाथि गम्भीर खतरा बढेको भन्दै तत्काल संरक्षणका प्रभावकारी कदम चाल्न चेतावनी दिएका छन्।
भुटानमा सबैभन्दा बढी वनक्षेत्र, नेपाल दोस्रो स्थानमा
आर्थिक सर्वेक्षण २०८२/८३ अनुसार दक्षिण एसियाका आठ मुलुकमध्ये भुटानमा सबैभन्दा बढी वनक्षेत्र रहेको छ भने नेपाल दोस्रो स्थानमा छ । यस सर्वेक्षणले सन् २०२४ मा नेपालको कूल भू–भागको ४६.०८ प्रतिशत वन क्षेत्र रहेको देखाएको छ ।
संयुक्त राष्ट्रसङ्घको चेतावनी: आगामी पाँच वर्ष विश्वमा नयाँ तापक्रम रेकर्ड कायम हुने सम्भावना ७५%
संयुक्त राष्ट्रसङ्घले आगामी पाँच वर्ष (सन् २०२६-२०३०) विश्वका लागि थप तातो र जोखिमपूर्ण हुने चेतावनी दिएको छ। विश्व मौसम विज्ञान सङ्गठन (डब्लुएमओ) का अनुसार यस अवधिमा विश्वव्यापी औसत तापक्रम पूर्व-औद्योगिक स्तरभन्दा १.५ डिग्री सेल्सियसभन्दा माथि पुग्ने सम्भावना ७५ प्रतिशत छ, जसले जलवायु सङ्कट गहिरिँदै गएको सङ्केत गर्दछ। यसका साथै, 'एल निनो' प्रभावले तापक्रमलाई थप बढाउन सक्ने अनुमान गरिएको छ।
नेपाली कांग्रेसले हिमालमा परेको असर न्यूनीकरणलाई प्राथमिकता दिने
नेपाली कांग्रेसले जलवायु परिवर्तनले हिमालमा पारेको असर न्यूनीकरणको खोजी र समग्र वातावरण संरक्षण अभियानलाई प्राथमिकता दिने निर्णय गरेको छ। पार्टीको केन्द्रीय नीति, अनुसन्धान तथा प्रशिक्षण प्रतिष्ठानको बैठकले यसका लागि ‘जलवायु परिवर्तन सचेतना उपसमिति’ गठन गरेको छ। उपसभापति विश्वप्रकाश शर्माका अनुसार, विश्वव्यापी तापक्रम वृद्धिका कारण हिमनदी पग्लिने क्रम तीव्र हुँदा जलवायुजन्य विपद्को खतरा बढेको छ।
दक्षिण एसियामा वनक्षेत्र: भुटान शीर्षमा, नेपाल दोस्रो
आर्थिक वर्ष २०८२/०८३ को आर्थिक सर्वेक्षणअनुसार दक्षिण एसियाका आठ मुलुकमध्ये भुटानमा सबैभन्दा बढी वनक्षेत्र रहेको छ भने नेपाल दोस्रो स्थानमा छ । भुटानमा ६९.७१ प्रतिशत वनक्षेत्र छ भने नेपालमा ४६.०८ प्रतिशत वनक्षेत्र रहेको छ ।
