Photo · www.sidhakura.com
काठमाडौं महानगरपालिकाले टुँडिखेलको सैनिक मञ्च दक्षिणतर्फको ६१ हजार २ सय ६३ वर्गमिटर क्षेत्रलाई हरियाली र व्यवस्थित सार्वजनिक स्थलका रूपमा विकास गर्ने काम तीव्र पारेको छ। यस परियोजनाअन्तर्गत घाँसे मैदान निर्माण, दुबो रोपण, बोरिङ निर्माण, पानी व्यवस्थापन र वर्षा पानी पुनर्भरणका लागि ‘वाटर रिचार्ज पिट’ निर्माण गरिनेछ। महानगरपालिकाले यस क्षेत्रमा कुनै स्थायी संरचना नबनाउने र सर्वसाधारणलाई आराम, व्यायाम, खेलकुद तथा सार्वजनिक कार्यक्रमका लागि सहज वातावरण उपलब्ध गराउने उद्देश्य राखेको छ।
सरकारले चालु आर्थिक वर्षमा ७,४६२ बालबालिकालाई संरक्षण र सेवा प्रदान गर्यो
सरकारले चालु आर्थिक वर्षको फागुनसम्ममा हिंसा तथा जोखिममा परेका ५८८ बालबालिकाको उद्धार गरी कुल ७,४६२ बालबालिकालाई राहत, संरक्षण र मनोपरामर्श जस्ता सेवा प्रदान गरेको छ। यस अवधिमा हराएका बालबालिकाहरूको खोजी गरी परिवारमा पुनर्मिलन गराउने कार्य पनि जारी छ।
_mfRTh1LHoR.jpg)
सशस्त्र प्रहरी सुनसरीले १९औं स्थापना दिवस मनायो, विभिन्न कार्यक्रम गरियो
सशस्त्र प्रहरी बल नेपाल नम्बर ४ गण हेड क्वाटर सुनसरीले विविध सांस्कृतिक कार्यक्रमका साथ आफ्नो १९औं स्थापना दिवस भव्य रूपमा मनाएको छ। सशस्त्र प्रहरी बल नेपाल नम्बर १ बराह बाहिनीका बाहिनीपति सशस्त्र प्रहरी नायव महानिरीक्षक मनीष थापाको प्रमुख आतिथ्यतामा समारोह सम्पन्न भएको हो। कार्यक्रममा सशस्त्र प्रहरीको संगठनात्मक भूमिका, सुरक्षा व्यवस्थापन तथा समाजमा पुर्याएको योगदानबारे चर्चा गरिएको थियो।
सांसदहरूले बाँदर आतंक नियन्त्रणका लागि कानून बनाउन माग गरे
नेपालमा बढ्दो बाँदर आतंक नियन्त्रणका लागि सांसदहरूले संसदमा कानून बनाउन माग गरेका छन्। तनहुँका एक किसानले डमी बाघ प्रयोग गरेर बाँदर नियन्त्रण गरेको अनुभव सांसद श्रीराम न्यौपानेले संसदमा सुनाएका छन्। यसैबीच, सांसद ध्रुवराज राईले बाँदर आतंकले कृषकहरू मारमा परेको भन्दै ठोस कदम चाल्न माग गरेका छन्।
बेलायतमा युवा बेरोजगारीले ‘मोहभङ्ग र दिशाहीनता’ को जोखिम बढेको प्रतिवेदन
बेलायतमा रोजगारी, शिक्षा र तालिमबाट बाहिर रहेका युवाको सङ्ख्या १० लाख नजिक पुगेको छ, जसले गर्दा युवाहरूमा ‘मोहभङ्ग र दिशाहीनता’ को जोखिम बढेको एक प्रतिवेदनले चेतावनी दिएको छ । यदि समस्या समाधानका लागि कुनै पहल नगरिएमा सन् २०३१ सम्ममा १६ देखि २४ वर्ष उमेर समूहका १२ लाख ५० हजार युवा यो समस्याबाट प्रभावित हुने प्रतिवेदनमा उल्लेख छ । लेबर पार्टीका पूर्व क्याबिनेट मन्त्री एलन मिलबर्नले यसलाई युवाको असफलता नभई विगतमा अड्किएको व्यवस्थाको असफलता भनेका छन् ।
