Photo · arthadabali.com
महालेखापरीक्षकको कार्यालयले खानी तथा खानीजन्य पदार्थबाट प्राप्त हुने २३ करोड ७७ लाख ८८ हजार रुपैयाँ बराबरको रोयल्टी तत्काल असुल गर्न निर्देशन दिएको छ। प्रतिवेदनअनुसार, एक वर्षभन्दा बढी समयदेखि रोयल्टी नबुझाएको र अनुमतिभन्दा बढी उत्खनन गरेको पाइएको छ। यसमा साधारण ढुङ्गाको रोयल्टी, जरिवाना र स्थानीय विकास शुल्कसमेत असुल गर्न भनिएको छ।
मुक्तिनाथ विकास बैंकले फाइदा एपमा ‘सेल्फ–रिन्यु’ सुविधा थप्यो, शाखा धाउन नपर्ने
मुक्तिनाथ विकास बैंकले आफ्नो मोबाइल बैंकिङ सेवा ‘मुक्तिनाथ फाइदा एप’ मा ‘सेल्फ–रिन्यु’ सुविधा सुरु गरेको छ। यस नयाँ सुविधाले ग्राहकहरूलाई मोबाइल बैंकिङ सेवा नवीकरण गर्न बैंकको शाखामा जानुपर्ने बाध्यता हटाएको छ। अब ग्राहकहरूले घरमै बसेर वा आफूलाई सहज हुने स्थानबाटै एपमार्फत सेवा नवीकरण गर्न सक्नेछन्।
गरिमा क्यापिटलका कर्मचारीलाई सम्पत्ति शुद्धीकरण निवारणसम्बन्धी प्रशिक्षण
गरिमा क्यापिटल लिमिटेडले सम्पत्ति शुद्धीकरण निवारण क्षेत्रको विशेषज्ञ संस्था एएमएल नेपाल प्रालिसँगको सहकार्यमा आफ्ना कर्मचारीहरूका लागि एकदिवसीय अभिमुखीकरण तथा प्रशिक्षण कार्यक्रम सम्पन्न गरेको छ । यो कार्यक्रम पुँजी बजार र मर्चेन्ट बैंकिङ क्षेत्रमा वित्तीय जोखिम न्यूनीकरण गर्ने र राष्ट्रिय तथा अन्तर्राष्ट्रिय कानुनी मापदण्डहरूको पूर्ण पालना सुनिश्चित गर्ने उद्देश्यले आयोजना गरिएको थियो । प्रशिक्षणमा सम्पत्ति शुद्धीकरण निवारण ऐन, नवीनतम निर्देशिकाहरू, शंकास्पद कारोबार पहिचान गर्ने तरिकाहरू र संस्थागत सुशासनका विविध पक्षहरूमा केन्द्रित रही व्यावहारिक ज्ञान प्रदान गरिएको थियो ।
समस्याग्रस्त सहकारीको ऋण असुलीबाट बचतकर्तालाई रकम फिर्ता गरिने सरकारको स्पष्टोक्ति
सरकारले समस्याग्रस्त सहकारीबाट ऋण असुलीबाट प्राप्त रकम नै बचतकर्तालाई फिर्ता गरिने स्पष्ट पारेको छ। भूमि व्यवस्था, सहकारी, संघीय मामिला तथा सामान्य प्रशासन मन्त्रालय अन्तर्गतको समस्याग्रस्त सहकारी व्यवस्थापन समितिले राज्यकोषको रकमबाट बचत फिर्ता गरिएको भन्ने भ्रम चिर्न विज्ञप्ति जारी गरेको छ। यस कार्यविधिले १० हजारभन्दा कम बचत मागदाबी भएका साना बचतकर्ताहरूको बचत चरणबद्ध रूपमा फिर्ता गरिने जनाइएको छ।
नेपाल र रोमानियाबीच व्यापार र लगानी सहकार्य सुदृढ बनाइने
नेपाल र रोमानियाबीच द्विपक्षीय व्यापार, वैदेशिक लगानी र औद्योगिक सहयोग सुदृढ गर्न नयाँ समझदारी भएको छ । नेपाल तयारी पोशाक उद्योग संघका अध्यक्ष पशुपतिदेव पाण्डेका अनुसार दुई देशबीच व्यापारिक प्रोटोकलमा हस्ताक्षर भएको छ, जसले ई–कमर्स, सूचना प्रविधि र बजारीकरण जस्ता क्षेत्रमा सहकार्य गर्नेछ । यसले दुई देशका व्यवसायीहरूबीच व्यावसायिक सम्बन्धलाई सहज बनाउने लक्ष्य राखेको छ ।
