Photo · prasashan.com
तत्कालीन खानेपानी तथा हालको पूर्वाधार विकास मन्त्रालयका सचिव विश्वबाबु पुडासैनीमाथि दबाब, धम्की तथा बार्गेनिङ गरेको आरोपमा उपेन्द्रबहादुर शाहीलाई प्रहरीले पक्राउ गरेको छ। जिल्ला अदालत काठमाडौँले उनलाई पाँच दिन हिरासतमा राखेर अनुसन्धान गर्न अनुमति दिएको छ। प्रहरीले शाहीमाथि आपराधिक विश्वासघात, एक्सटोर्सन तथा सम्पत्ति शुद्धीकरणसम्बन्धी कोणबाट अनुसन्धान अघि बढाएको छ।
सर्लाहीको दशगजा क्षेत्रमा 'जगन राउत' लेखिएको बालासहित एक पुरुष मृत फेला, प्रहरी अनुसन्धानमा
सर्लाहीको पर्सा गाउँपालिका–१ नजिक नेपाल–भारत सीमास्थित दशगजा क्षेत्रमा एक पुरुष मृत फेला परेका छन्। प्रहरीले मृतकको हातमा ‘जगन राउत’ लेखिएको बाला फेला पारेको छ र घटनाको विस्तृत अनुसन्धान गरिरहेको छ।
रेश्मिका हत्या प्रकरणमा उच्च अदालतको आदेशपछि थप तीन युवा पक्राउ
खोटाङको दिप्रुङ चुइचुम्मा गाउँपालिका–४ बतासेकी रेश्मिका परियारको हत्या प्रकरणमा संलग्न रहेको अभियोगमा प्रहरीले उच्च अदालत ओखलढुङ्गाको आदेशपछि थप तीन युवालाई पक्राउ गरेको छ। पक्राउ पर्नेमा हेमन परियार, दीपक श्रेष्ठ र दीपक राई रहेका छन्। यसअघि यस प्रकरणमा एक किशोरलाई पक्राउ गरी कारागार चलान गरिएको थियो।
सर्वोच्च अदालतले विदेशबाट अनलाइन बयान र वकपत्र गर्न सकिने आदेश दियो
सर्वोच्च अदालतले नेपालमा चलिरहेका मुद्दामा विदेशबाट अनलाइनमार्फत बयान र वकपत्र गराउन सकिने आदेश जारी गरेको छ। न्यायाधीशद्वय हरि फुयाल र बालकृष्ण ढकालको संयुक्त इजलासले सूचना प्रविधिको प्रयोगले न्याय सम्पादनलाई सहज बनाउन यो निर्णय गरेको हो। यसअघि विशेष अदालतको एउटा इजलासले भ्रष्टाचार मुद्दामा विदेशबाट अनलाइन बयान दिन नसकिने राय दिएको थियो।
फरार अभियुक्त पक्राउ अभियानले जेल सुधारको चुनौती उजागर
नेपाल प्रहरीले देशभर फरार अभियुक्त पक्राउ गर्न थालेको विशेष अभियानले न्याय प्रणालीप्रतिको विश्वास पुनःस्थापित गर्ने संकेत दिएको छ । तर, यस अभियानले देशभरका कारागारमा क्षमताभन्दा बढी कैदीबन्दी हुँदा जेल सुधार र पूर्वाधारको गम्भीर चुनौती रहेको यथार्थलाई उजागर गरेको छ । यस अवस्थामा थप हजारौं कैदीबन्दी थपिँदा कारागार प्रणाली मानवीय संकटतर्फ धकेलिने चिन्ता व्यक्त गरिएको छ ।
