Photo · ghatanarabichar.com
इरानले अमेरिकासँग सम्भावित सम्झौताका लागि १४ बुँदे खाकालाई अन्तिम रूप दिने तयारी भइरहेको जनाएको छ। इरानी विदेश मन्त्रालयका प्रवक्ता इस्माइल बकाईले शनिबार सरकारी टेलिभिजनमार्फत दुवै पक्षबीच सहमतिका आधार तयार पार्ने प्रयास भइरहेको जानकारी दिएका हुन्। यद्यपि, तेहरान र वासिङ्टनबीच अझै पनि गहिरा मतभेद कायम रहेको उनले बताएका छन्।
परराष्ट्र मन्त्रालयद्वारा राजदूत पदका लागि खुला आवेदन आह्वान
परराष्ट्र मन्त्रालयले पहिलोपटक राजदूत नियुक्तिका लागि खुला आवेदन आह्वान गरेको छ, जसमा योग्य नेपाली नागरिकले जेठ २२ गतेसम्म आवेदन दिन सक्नेछन्। मन्त्रालयले पारदर्शिता, प्रतिस्पर्धा र योग्यतामा आधारित नियुक्ति प्रक्रिया सुनिश्चित गर्न यो प्रणाली लागू गरेको जनाएको छ।
ट्रम्पले अब्राहम सम्झौताको म्याद थप्न आग्रह गरे, मध्यपूर्वमा कूटनीतिक छलफल तीव्र
अमेरिकी राष्ट्रपति डोनल्ड ट्रम्पले मध्यपूर्वको जटिल परिस्थिति र इरानसँगको वार्ताबीच अब्राहम सम्झौताको म्याद थप्नु समयको आवश्यकता भएको बताएका छन्। उनले साउदी अरब, कतार, युएई, पाकिस्तान, टर्की, इजिप्ट, जोर्डन र बहराइनजस्ता देशलाई यस सम्झौताको हिस्सा बन्न अपिल गरेका छन्। यो सम्झौताले क्षेत्रीय शान्ति र आर्थिक विकासमा योगदान पुर्याउने उनको दाबी छ।
परराष्ट्रमन्त्री खनाल र अमेरिकी उपविदेशमन्त्री हुकरबीच टेलिफोन संवाद, कूटनीतिक सहकार्यबारे छलफल
परराष्ट्रमन्त्री शिशिर खनाल र संयुक्त राज्य अमेरिकाका राजनीतिक मामिला सम्बन्धी उपविदेशमन्त्री एलिसन हुकरबीच टेलिफोन वार्ता भएको छ। वार्ताका क्रममा हुकरले खनाललाई बधाई दिँदै नेपाल सरकारसँग निकट रहेर काम गर्ने अमेरिकी सरकारको प्रतिबद्धता दोहोर्याइन्। मन्त्री खनालले नेपालको समग्र विकासमा अमेरिकाले पुर्याउँदै आएको सहयोगप्रति आभार व्यक्त गर्दै सुशासन, पूर्वाधार, ऊर्जा, पर्यटन र डिजिटल प्रविधिमा लगानीमार्फत आर्थिक वृद्धि हासिल गर्ने सरकारको प्राथमिकताबारे जानकारी गराए।
बंगलादेशमा 'डोनाल्ड ट्रम्प' नाम दिइएको सेतो भैंसीको बलि रोकियो, चिडियाखानामा सारियो
बंगलादेश सरकारले इद पर्वमा बलि दिन लागिएको 'डोनाल्ड ट्रम्प' नामले चर्चित सेतो भैंसीको बलि रोक्ने निर्णय गरेको छ। यस दुर्लभ अल्बिनो प्रजातिको भैंसीलाई अब ढाकाको राष्ट्रिय चिडियाखानामा राखिनेछ। यसअघि उक्त भैंसीलाई करिब ३.८५ लाख टाका (लगभग ३ लाख रुपैयाँ) मा बिक्री गरिएको थियो।
