Photo · www.makalukhabar.com
महोत्तरी जिल्ला अदालतले सुजिता ठाकुर हत्याकाण्डका १३ आरोपीमध्ये १० जनालाई सफाइ दिएको छ। अदालतले मृतक सुजिताका देवर रुपेश ठाकुरलाई जन्मकैदको सजाय र पीडितलाई क्षतिपूर्ति भराउने आदेश दिएको छ। २०७८ सालमा भएको यो हत्याकाण्डमा प्रहरीले शौचालयको सेफ्टी ट्याङ्कीबाट शव बरामद गरेको थियो।
पोखरा बसपार्क जग्गा विवाद छानबिन गर्न समिति गठन
पोखरा बसपार्क निर्माणका लागि अधिग्रहण गरिएको जग्गाको सट्टापट्टा, बिक्री वितरण र क्षतिपूर्ति प्रक्रियामा उठेका गुनासा तथा विवादको छानबिन गर्न पोखरा उपत्यका नगर विकास समितिले पूर्वन्यायाधीश शङ्करराज बरालको अध्यक्षतामा तीन सदस्यीय समिति गठन गरेको छ। समितिलाई १५ कार्यदिनभित्र प्रतिवेदन बुझाउन समय तोकिएको छ।
सर्लाहीको दशगजा क्षेत्रमा 'जगन राउत' लेखिएको बालासहित एक पुरुष मृत फेला, प्रहरी अनुसन्धानमा
सर्लाहीको पर्सा गाउँपालिका–१ नजिक नेपाल–भारत सीमास्थित दशगजा क्षेत्रमा एक पुरुष मृत फेला परेका छन्। प्रहरीले मृतकको हातमा ‘जगन राउत’ लेखिएको बाला फेला पारेको छ र घटनाको विस्तृत अनुसन्धान गरिरहेको छ।
रेश्मिका हत्या प्रकरणमा उच्च अदालतको आदेशपछि थप तीन युवा पक्राउ
खोटाङको दिप्रुङ चुइचुम्मा गाउँपालिका–४ बतासेकी रेश्मिका परियारको हत्या प्रकरणमा संलग्न रहेको अभियोगमा प्रहरीले उच्च अदालत ओखलढुङ्गाको आदेशपछि थप तीन युवालाई पक्राउ गरेको छ। पक्राउ पर्नेमा हेमन परियार, दीपक श्रेष्ठ र दीपक राई रहेका छन्। यसअघि यस प्रकरणमा एक किशोरलाई पक्राउ गरी कारागार चलान गरिएको थियो।
सर्वोच्च अदालतले विदेशबाट अनलाइन बयान र वकपत्र गर्न सकिने आदेश दियो
सर्वोच्च अदालतले नेपालमा चलिरहेका मुद्दामा विदेशबाट अनलाइनमार्फत बयान र वकपत्र गराउन सकिने आदेश जारी गरेको छ। न्यायाधीशद्वय हरि फुयाल र बालकृष्ण ढकालको संयुक्त इजलासले सूचना प्रविधिको प्रयोगले न्याय सम्पादनलाई सहज बनाउन यो निर्णय गरेको हो। यसअघि विशेष अदालतको एउटा इजलासले भ्रष्टाचार मुद्दामा विदेशबाट अनलाइन बयान दिन नसकिने राय दिएको थियो।
