प्रेम लिम्बूले नवौं एसियन पुम्से तेक्वान्दो च्याम्पियनसिपमा कास्य पदक जिते

काठमाडौंका एनेक्स महर्जन र विपना तामाङले १६ औं राष्ट्रपति रनिङ सिल्ड बागमती प्रदेशस्तरीय प्रतियोगिताअन्तर्गत उसुमा स्वर्ण पदक जितेका छन् । त्रिपुरेश्वरस्थित राष्ट्रिय खेलकुद परिषद् (राखेप) को सेमी कभर्डहलमा भएको प्रतियोगितामा पुरुष थाइची छ्वानमा एनेक्स र महिलामा विपना पहिलो भएका हुन् । प्रतियोगिताको बागमती प्रदेशका मुख्यमन्त्री इन्द्रबहादुर बानियाँले उद्घाटन गरेका थिए ।

नेपाली राष्ट्रिय क्रिकेट टोलीका लेग स्पिनर सन्दीप लामिछाने र शैक्षिक परामर्शदाता कम्पनी ब्रिज इन्टरनेशनल कन्सलटेन्सीबीच पाँच वर्षको लागि सम्झौता नवीकरण भएको छ। पोखरामा आयोजित कार्यक्रममा दुई पक्षबीच सम्झौता पत्रमा हस्ताक्षर भएको हो। यसअघि सन्दीप र ब्रिजबीच दुई वर्षको सम्झौता रहेको थियो।

सरकारले आगामी आर्थिक वर्ष २०८३/८४ का लागि खेलकुदको बजेट चालु आर्थिक वर्षको तुलनामा घटाएर ४ अर्ब ३ करोड रुपैयाँ घोषणा गरेको छ। यस बजेटमा फुटबलका १० स्टेडियमको स्तरोन्नती र देशका ७ स्थानमा इन्डोर मल्टिप्रपोज स्टेडियम निर्माण गर्ने योजना समावेश छ। बजेटले क्रिकेट पूर्वाधारलाई पनि प्राथमिकतामा राखेको छ, जसमा प्रमुख ८ शहरमा आधुनिक क्रिकेट स्टेडियम बनाउने उल्लेख छ।

भक्तपुरको सूर्यविनायकमा जिल्लाव्यापी बुद्धिचाल (चेस) प्रतियोगिता सुरु भएको छ। सूर्यविनायक नगर खेलकुद विकास समितिको आयोजना र सूर्यविनायक नगरपालिकाको सहयोगमा सञ्चालित यो प्रतियोगिता तीन दिनसम्म चल्नेछ। प्रतियोगिताको उद्घाटन सूर्यविनायक नगरपालिकाका प्रवक्ता रवीन्द्र सापकोटाले गरेका हुन्।