Photo · gorkhapatraonline.com
नेपाल राष्ट्र बैंकले बुधबारका लागि विदेशी मुद्राको विनिमय दर निर्धारण गरेको छ। राष्ट्र बैंकका अनुसार आज अमेरिकी डलर एकको खरिददर १५२.०८ रुपैयाँ र बिक्रीदर १५२.६८ रुपैयाँ कायम भएको छ। यसका साथै युरो, पाउण्ड स्टर्लिङ, स्वीस फ्रांक, अस्ट्रेलियन डलर, क्यानेडियन डलर, सिंगापुर डलर, जापानी येन, चिनियाँ युआन, साउदी अरेबियन रियाल लगायतका मुद्राको विनिमय दर पनि तोकिएको छ।
clickmandu.com
अर्थमन्त्री डा वाग्लेले आर्थिक सर्वेक्षण २०८२/८३ प्रस्तुत गर्ने
अर्थमन्त्री डा वाग्लेले सङ्घीय संसद्को दुवै सदनमा आर्थिक वर्ष २०८२/८३ को आर्थिक सर्वेक्षण प्रस्तुत गर्ने कार्यक्रम छ । आगामी आर्थिक वर्षको बजेट प्रस्तुत हुनुअघि यो सर्वेक्षण सार्वजनिक हुने गर्दछ । सर्वेक्षणमा चालु आर्थिक वर्षका प्रगति र सरकारका काम कारबाहीका विवरण समावेश हुनेछन् ।
इनड्राइभले महिला उद्यमीलाई विश्वव्यापी नेटवर्क र लगानीसँग जोड्न ‘अरोरा भेन्चर्स’ कार्यक्रम सुरु गर्यो
विश्वव्यापी मोबिलिटी तथा डेलिभरी प्लेटफर्म इनड्राइभले नेपालसहित उदीयमान बजारका महिला उद्यमीहरूलाई अन्तर्राष्ट्रिय नेटवर्क र लगानी अवसरसँग जोड्ने उद्देश्यले ‘अरोरा भेन्चर्स’ नामक नयाँ लगानी कार्यक्रम सार्वजनिक गरेको छ। महिला संस्थापकहरूले लगानी प्राप्त गर्ने क्रममा भोगिरहेका चुनौती न्यूनीकरण गर्ने लक्ष्यसहित यो कार्यक्रम अघि बढाइएको कम्पनीले जनाएको छ। यो घोषणा चिलीको स्यान्टियागोमा सम्पन्न ‘अरोरा टेक अवार्ड २०२६’ को समापनसँगै गरिएको हो।
सिटिजन्स बैंकले असार ३ मा विशेष साधारणसभा बोलायो, २ अर्बको अग्राधिकार सेयर प्रस्ताव गरिने
सिटिजन्स बैंक इन्टरनेसनलले असार ३ गते विशेष साधारणसभा आह्वान गरेको छ। यस साधारणसभाले १०० रुपैयाँ अंकित दरको २ अर्ब रुपैयाँ बराबरको ७.५ प्रतिशत सिटिजन्स अविमोच्य असञ्चिति अग्राधिकार सेयर जारी गर्ने विशेष प्रस्ताव पारित गर्नेछ। यसका साथै, बैंकले अधिकृत, जारी र चुक्ता पुँजी वृद्धि, संरचना संशोधन, समूहगत सेयर स्वामित्व स्पष्ट पार्ने र सञ्चालक समितिलाई अख्तियारी दिने प्रस्तावहरूमाथि पनि छलफल गर्नेछ।
व्यवसायीहरूको माग: कर घटाऊ, कानुनी झन्झट अन्त्य गर
आगामी आर्थिक वर्षको बजेट निर्माणको पूर्वसन्ध्यामा विभिन्न व्यावसायिक क्षेत्रका प्रतिनिधिहरूले सरकारलाई करको भार घटाउन, कानुनी झन्झट अन्त्य गर्न र उद्यममैत्री वातावरण निर्माण गर्न आग्रह गरेका छन्। काठमाडौंमा आयोजित एक छलफल कार्यक्रममा सूचना प्रविधि, मोबाइल, साना उद्योग, औषधि र सीमापार व्यापार क्षेत्रका अगुवाहरूले राज्यको ‘अनुदार’ नीतिले लगानी र व्यवसायिक उत्साह दुवै घटिरहेको बताएका छन्। कम्प्युटर एशोसिएशन नेपाल महासंघ (क्यान महासंघ) का कार्यवाहक अध्यक्ष चिरञ्जीवी अधिकारीले इन्टरनेट र हार्डवेयरमा उच्च कर लगाएर डिजिटल नेपालको सपना साकार नहुने बताए।
