Photo · www.imagekhabar.com
पूर्वाधार विकासमन्त्री सुनिल लम्सालले नागढुङ्गा–मुग्लिङ सडक खण्डको स्थलगत अनुगमन गरी निर्माण कार्यमा देखिएका व्यवधान र ढिलाइबारे जानकारी लिएका छन्। पश्चिम एसियामा बढ्दो द्वन्द्वका कारण बिटुमिन तथा पेट्रोलियम पदार्थको आयातमा समस्या हुँदा सडक निर्माण प्रभावित भएको छ। इन्धन र निर्माण सामग्रीको अभावले देशभरका विभिन्न सडक आयोजनाको काम सुस्त वा ठप्प भएको अवस्था छ।
भोजपुर–दिङ्ला सडकको पहिलो खण्डमा कालोपत्र सुरु, कोशी प्रदेश सरकारको ६२ करोड लगानी
भोजपुरको उत्तरी क्षेत्रलाई दिङ्लासँग जोड्ने ‘भोजपुर–दिङ्ला’ सडकखण्डको पहिलो चरणमा कालोपत्रको काम सुरु भएको छ। कोशी प्रदेश सरकारको करिब ६२ करोड रुपैयाँ लगानीमा पानीट्याङ्की–तीनतले खण्डको करिब १७ किलोमिटर सडकमा कालोपत्रे थालिएको पूर्वाधार विकास कार्यालयले जनाएको छ। यस सडकको भौतिक प्रगति हालसम्म करिब ५५ प्रतिशत पुगेको छ।
पोखरा पृथ्वीचोकका अतिक्रमित संरचना भत्काइयो, बाइपास सडक बन्ने
पोखराको पृथ्वीचोकमा सार्वजनिक जग्गामा निर्माण गरिएका अतिक्रमित संरचनाहरू डोजर प्रयोग गरी भत्काइएको छ । महानगर प्रमुख धनराज आचार्यका अनुसार सडक फराकिलो बनाइ बाइपास सडक निर्माण गर्ने उद्देश्यले यी संरचना हटाइएको हो ।
जापानको सहयोगमा बिपी राजमार्गको पिप्ले–बर्खेखोला खण्डको स्थायी पुनर्निर्माण सुरु
जापानको सहयोगमा बिपी राजमार्गको काभ्रेपलाञ्चोकको पिप्लेदेखि बर्खेखोला सडकखण्डको स्थायी पुनर्निर्माण कार्य सुरु भएको छ। नेपालका लागि जापानी राजदूत माएदा तोरु र पूर्वाधार विकास मन्त्रालयका सचिव गोपालप्रसाद सिग्देलले संयुक्त रूपमा परियोजनाको शिलान्यास गरेका हुन्। जापान अन्तर्राष्ट्रिय सहयोग नियोग (जाइका)को आर्थिक तथा प्राविधिक सहयोगमा ३.२ किलोमिटर सडकखण्डको पुनर्निर्माण सुरु भएको छ।
बीपी राजमार्गको बाढीले क्षति पुगेको खण्ड जापानको सहयोगमा पुनर्निर्माण गरिने
बीपी राजमार्गको काभ्रे–सिन्धुली खण्डमा बाढीले क्षति पुर्याएको ३.२ किलोमिटर सडक जापान अन्तर्राष्ट्रिय सहयोग नियोग (जाइका)को २ अर्ब ६० करोड रुपैयाँ अनुदानमा दुई लेनमा पुनर्निर्माण गरिने भएको छ। यस सडक खण्डको शिलान्यास पूर्वाधार विकास मन्त्रालयका सचिव गोपाल सिग्देल र नेपालका लागि जापानका राजदूत मायदा तोरुले संयुक्त रूपमा गरेका छन्।
