सूचना प्रविधिको क्षेत्राधिकार प्रधानमन्त्री कार्यालयमा सारियो, एआई नियमन पनि त्यहीँबाट

मेटाले विश्वभरका प्रयोगकर्ताहरूका लागि इन्स्टाग्राम, फेसबुक र ह्वाट्सएपमा नयाँ सशुल्क सदस्यता योजनाहरू सुरु गरेको छ। यस योजना अन्तर्गत, भुक्तानी गर्ने प्रयोगकर्ताहरूले विशेष टूलहरू र अनुकूलन सुविधाहरूमा पहुँच पाउनेछन् जुन नि:शुल्क संस्करणहरूमा उपलब्ध हुनेछैनन्। कम्पनीले यसबाट आफ्नो राजस्व बढाउने र विज्ञापनमा मात्र भर नपरी नयाँ आम्दानीका स्रोतहरू खोज्ने लक्ष्य राखेको छ।

नेपाली युवा उद्यमीहरूले विकास गरेको ‘वायुदृष्टि’ नामक जलवायु-प्रविधि प्लेटफर्म संयुक्त राष्ट्रसंघको उत्कृष्ट विश्वव्यापी नवप्रवर्तन सूचीमा छनोट भएको छ । संयुक्त राष्ट्रसंघको आर्थिक तथा सामाजिक मामिला विभागले तयार पारेको ‘एसटीआई सोलुसन्स बुक २०२६’ मा विश्वभरका ९०० भन्दा बढी आवेदनहरूबाट उत्कृष्ट ६० मा पर्न सफल भएको यो प्लेटफर्मले वायु प्रदूषणलाई वैज्ञानिक र सहज तरिकाले सर्वसाधारणसम्म पुर्‍याउने उद्देश्य राखेको छ ।

नेपाली सूचना प्रविधि क्षेत्र र नवप्रवर्तनकारी उत्पादनहरूलाई अन्तर्राष्ट्रिय स्तरमा स्थापित गर्ने उद्देश्यका साथ प्रतिष्ठित ‘एसोसियो डिजिटल एआई अवार्ड २०२६’ का लागि आवेदन आह्वान गरिएको छ । एसियन–ओसियन कम्प्युटिङ इन्डस्ट्री अर्गनाइजेसनद्वारा आयोजना गरिने यस अवार्डमा नेपालका डिजिटल अर्थतन्त्र र आर्टिफिसियल इन्टेलिजेन्स (एआई) क्षेत्रमा योगदान पुर्‍याइरहेका कम्पनी तथा संस्थाले प्रतिस्पर्धा गर्न सक्नेछन् । एसोसियोका उपाध्यक्ष नवराज कुँवरले यसलाई नेपाली प्रविधि उद्यमीहरूका लागि आफ्ना उत्पादन र सेवाको गुणस्तर अन्तर्राष्ट्रिय मञ्चमा प्रमाणित गर्ने ऐतिहासिक अवसर भएको बताएका छन् ।

डिशहोम इन्टरनेटले अभिनेत्री दिव्या रायमाझीसँगको ब्रान्ड एम्बेसेडर सहकार्यलाई निरन्तरता दिँदै सम्झौता नवीकरण गरेको छ। कम्पनी र रायमाझीबीच भैँसेपाटीस्थित डिशहोमको कर्पोरेट कार्यालयमा सम्झौता नवीकरण सम्पन्न भएको हो। यस नवीकरणसँगै रायमाझीले आगामी डिजिटल अभियानहरू, ग्राहक केन्द्रित सेवाहरू तथा मनोरञ्जनात्मक कार्यक्रमहरूमा डिशहोमको प्रतिनिधित्व गर्नेछिन्।