Photo · newspolar.com
संयुक्त अधिराज्य (बेलायत) की इण्डो–प्यासिफिक राज्यमन्त्री सीमा मल्होत्राले नेपाल भ्रमणका क्रममा शिक्षा, सीप विकास र आर्थिक सहकार्य दुई देशबीचको सम्बन्ध सुदृढीकरणका लागि महत्वपूर्ण आधार भएको बताएकी छन्। उनले नेपालमा प्राविधिक शिक्षा विस्तार र ट्रान्सनेशनल एजुकेशन (Transnational Education) जस्ता क्षेत्रमा बेलायतको सहयोग जारी रहने प्रतिबद्धता व्यक्त गरिन्।
कामना सेवा विकास बैंकले रुपन्देहीको पशुपति माविलाई कुलर सहयोग गर्यो
कामना सेवा विकास बैंक लिमिटेडले संस्थागत सामाजिक उत्तरदायित्व अन्तर्गत रुपन्देहीको पशुपति माध्यमिक विद्यालयलाई तीन थान कुलर सहयोग गरेको छ। बैंकले गर्मी मौसममा विद्यार्थीको अध्ययन–अध्यापन सहज बनाउने उद्देश्यले यो सहयोग गरेको जनाएको छ।
आठ विश्वविद्यालयका उपकुलपति पदका लागि २१८ आवेदनमध्ये योग्य दरखास्त स्वीकृत
सरकारले विभिन्न आठ विश्वविद्यालयका उपकुलपति नियुक्तिका लागि प्राप्त २१८ आवेदनमध्ये योग्य दरखास्त स्वीकृत गरेको छ। "विभिन्न विश्वविद्यालयको उपकुलपति छनोट तथा सिफारिससम्बन्धी एकीकृत कार्यविधि, २०८३" अनुसार सिफारिस समितिले जेठ १३ गतेको निर्णयअनुसार योग्य उम्मेदवारहरूको दरखास्त स्वीकृत गरेको हो। यस प्रक्रियाबाट त्रिभुवन विश्वविद्यालय, पोखरा विश्वविद्यालय, पूर्वाञ्चल विश्वविद्यालय, लुम्बिनी बौद्ध विश्वविद्यालय, कृषि तथा वन विज्ञान विश्वविद्यालय, मध्यपश्चिम विश्वविद्यालय, सुदूरपश्चिम विश्वविद्यालय र राजर्षि जनक विश्वविद्यालयका लागि योग्य उम्मेदवारहरूको छनोट गरिएको छ।
चालु आर्थिक वर्षमा कुल गार्हस्थ उत्पादनमा शिक्षा क्षेत्रको योगदान ९.२२ प्रतिशत रहने अनुमान
चालु आर्थिक वर्षमा कुल गार्हस्थ उत्पादन (जीजीडीपी) मा शिक्षा क्षेत्रको योगदान नौ दशमलव २२ प्रतिशत रहने अनुमान गरिएको छ । गत वर्ष यो योगदान आठ दशमलव ८६ प्रतिशत थियो । अर्थमन्त्री डा. स्वर्णिम वाग्लेले सदनमा पेस गरेको आर्थिक सर्वेक्षण अनुसार, विद्यार्थी सङ्ख्यामा कमी र शिक्षा क्षेत्रमा खर्च कटौतीले यस वर्ष मूल्य अभिवृद्धि एक दशमलव ५० प्रतिशतले मात्र बढ्ने प्रक्षेपण छ ।
नेपाल संस्कृत विश्वविद्यालयमा पदाधिकारी नियुक्तिका लागि दरखास्त आह्वान
सरकारले नेपाल संस्कृत विश्वविद्यालयका रिक्त उपकुलपति, शिक्षाध्यक्ष र कुलसचिव पदका लागि खुला प्रतिस्पर्धामा आधारित दरखास्त आह्वान गरेको छ। पारदर्शिता, योग्यता प्रणाली र प्रक्रियागत निष्पक्षता सुनिश्चित गर्न नयाँ कार्यविधि २०८३ बमोजिम यो प्रक्रिया सुरु गरिएको हो। इच्छुक योग्य व्यक्तिले सूचना प्रकाशित भएको मितिले १० दिनभित्र शिक्षा, विज्ञान तथा प्रविधि मन्त्रालयको वेबसाइटमार्फत अनलाइन आवेदन दिन सक्नेछन्।
