मधेस प्रदेशका विद्यालयमा मेकर स्पेस र टेक ल्याब स्थापना

Photo · techpana.com

कोरिया अन्तर्राष्ट्रिय सहयोग नियोग (कोइका) को सहयोगमा सञ्चालित 'इन्स्पायर परियोजना' अन्तर्गत मधेस प्रदेशका बारा र महोत्तरीका विद्यालयमा मेकर स्पेस र टेक ल्याब स्थापना गरिएको छ । सेभ द चिल्ड्रेनले सञ्चालन गरेको यो परियोजनाले विद्यार्थीमा सृजनशीलता, नवप्रवर्तन क्षमता र प्राविधिक शिक्षा व्यवहारिक रूपमा सिकाउने उद्देश्य राखेको छ । यसबाट विद्यार्थीहरू विज्ञान, प्रविधि, इन्जिनियरिङ, कला र गणित (स्टिम) विषयहरूलाई व्यावहारिक अभ्यासबाट सिक्न सक्नेछन् ।

• मेकर स्पेस र टेक ल्याबमा रोबोट, डिजिटल डिजाइन, सर्किट मोडेल, ड्रोन र होलो ग्राम कला जस्ता प्रविधिमा आधारित परियोजनाहरू प्रदर्शन गरिएका छन् ।
• परियोजनाको मुख्य उद्देश्य मधेस प्रदेशमा आधारभूत शिक्षा सुदृढ बनाउनु, डिजिटल साक्षरता बढाउनु तथा किशोर किशोरी र युवालाई भविष्यका अवसरका लागि तयार पार्नु हो ।
• यी केन्द्रहरूमा डिजिटल उपकरण, टेक किट र सिर्जनात्मक सिकाइ सामग्री राखिएका छन् जसले विद्यार्थीमा सृजनशीलता, समस्या समाधान क्षमता र नवप्रवर्तन सोच विकास गर्नेछ ।
• इन्स्पायर परियोजना सन् २०२५ देखि सञ्चालनमा आएको हो र हाल यो बारा र महोत्तरी जिल्लाका विभिन्न स्थानीय तहमा कार्यान्वयन भइरहेको छ ।
• यो परियोजना जनजागरण युवा क्लब बारा र सामुदायिक विकास तथा पैरवी मञ्च नेपाल महोत्तरीसँगको साझेदारीमा सञ्चालन भइरहेको छ ।