Photo · nepalsamaya.com
नियमित गस्तीमा रहेको प्रहरी टोलीले देशका विभिन्न भागबाट लागूऔषधसहित १७ जनालाई पक्राउ गरेको छ। केन्द्रीय प्रहरी समाचार कक्षका अनुसार पक्राउ परेका व्यक्तिहरूबाट खैरो हेरोइन, गाँजा, ट्रामाडोल र स्पास्मो बरामद गरिएको छ। थप अनुसन्धान भइरहेको प्रहरीले जनाएको छ।
prasashan.com
nepalsamaya.com
नेपाल प्रहरीका १६ इन्स्पेक्टर डीएसपीमा बढुवा सिफारिस
नेपाल प्रहरीका विभिन्न प्राविधिक समूहअन्तर्गत कार्यरत १६ जना प्रहरी निरीक्षकलाई प्रहरी नायव उपरीक्षक (डीएसपी) पदमा बढुवा गर्न सिफारिस गरिएको छ। प्रहरी प्रधान कार्यालयको बढुवा समितिले बुधबार बसेको बैठकले प्राविधिक प्रहरी समूहका विभिन्न उप-समूहका रिक्त पदहरूमा बढुवा सिफारिस सूची प्रकाशन गरेको हो।
फरार अभियुक्त पक्राउ अभियानले जेल सुधारको चुनौती उजागर
नेपाल प्रहरीले देशभर फरार अभियुक्त पक्राउ गर्न थालेको विशेष अभियानले न्याय प्रणालीप्रतिको विश्वास पुनःस्थापित गर्ने संकेत दिएको छ । तर, यस अभियानले देशभरका कारागारमा क्षमताभन्दा बढी कैदीबन्दी हुँदा जेल सुधार र पूर्वाधारको गम्भीर चुनौती रहेको यथार्थलाई उजागर गरेको छ । यस अवस्थामा थप हजारौं कैदीबन्दी थपिँदा कारागार प्रणाली मानवीय संकटतर्फ धकेलिने चिन्ता व्यक्त गरिएको छ ।
सार्वजनिक बिदामा सर्वोच्च अदालत आंशिक खुल्ने, बन्दी प्रत्यक्षीकरणको सुनुवाइ हुने
लगातार चार दिन सार्वजनिक बिदा परेकाले सर्वोच्च अदालतले बिहीबार र शुक्रबार आंशिक रुपमा सेवा सञ्चालन गर्ने भएको छ। यस अवधिमा बन्दीप्रत्यक्षीकरणसम्बन्धी निवेदन दर्ता तथा सुनुवाइका लागि बिहान ११ बजेदेखि दिउँसो ३ बजेसम्म अदालत खुला रहनेछ। अत्यावश्यक मुद्दामा असर नपरोस् भन्ने उद्देश्यले सीमित सेवा सञ्चालन गर्न लागिएको हो।
ट्राफिक नियम उल्लंघनमा २,०५५ चालक कारबाहीमा, २२ लाख ११ हजार राजस्व संकलन
काठमाडौं उपत्यका ट्राफिक प्रहरी कार्यालयले पछिल्लो २४ घण्टामा सवारी नियम उल्लंघन गर्ने २,०५५ चालकलाई कारबाही गरेको छ। यस कारबाहीबाट राज्यकोषमा २२ लाख ११ हजार ५०२ रुपैयाँ राजस्व संकलन भएको छ।
