राष्ट्र बैंकले स्थायी निक्षेप सुविधामा परिवर्तन गरी दैनिक तरलता राख्न पाउने व्यवस्था गर्‍यो

अर्थमन्त्री डा. स्वर्णिम वाग्लेले संघीय संसद्मा आर्थिक वर्ष २०८२/८३ को आर्थिक सर्वेक्षण प्रस्तुत गर्दै चालू आर्थिक वर्षमा नेपालको अर्थतन्त्र ३.८५ प्रतिशतले विस्तार हुने अनुमान गरिएको बताएका छन्। विश्व अर्थतन्त्र ३.१ प्रतिशतमा खुम्चने प्रक्षेपण भइरहेका बेला नेपालको यो वृद्धिदरलाई सकारात्मक मानिएको छ। सर्वेक्षणअनुसार मुलुकको अर्थतन्त्रको कुल आकार ६६ खर्ब रुपैयाँ पुग्ने र नेपालीको प्रतिव्यक्ति कुल राष्ट्रिय आय १,५३५ अमेरिकी डलर पुग्ने प्रक्षेपण गरिएको छ।

आर्थिक वर्ष २०८२/८३ को आर्थिक सर्वेक्षण अनुसार, मुलुकमा औद्योगिक तथा लगानीमैत्री वातावरण अभिवृद्धि हुँदा उद्योग दर्ता करिब १२ प्रतिशतले बढेको छ। यस अवधिमा ११ हजार १४० वटा उद्योग दर्ता भएका छन्, जसबाट ३९ हजार ५४६ रोजगारी सिर्जना हुने अनुमान गरिएको छ।

चालू आर्थिक वर्ष २०८२/८३ मा औद्योगिक क्षेत्रतर्फ स्वदेशी तथा विदेशी लगानीका लागि कुल ५४ खर्ब ४४ अर्ब ६ करोड रुपैयाँ बराबरको लगानी स्वीकृत भएको छ। यसमध्ये उद्योग विभागबाट ३७ खर्ब २७ अर्ब ५४ करोड र लगानी बोर्ड नेपालबाट १६ खर्ब १४ अर्ब २६ करोड लगानी स्वीकृत भएको हो। अर्थमन्त्री डा. स्वर्णिम वाग्लेले आर्थिक सर्वेक्षण प्रस्तुत गर्दै यो जानकारी दिएका हुन्।

आर्थिक सर्वेक्षण २०८२/८३ अनुसार हाल सञ्चालनमा रहेका ४५ सार्वजनिक संस्थानमध्ये २७ वटा नाफामा र १६ वटा घाटामा रहेका छन्। नेपाल सरकारको सार्वजनिक संस्थानमा कुल लगानी ७ खर्ब ९८ अर्ब ५६ करोड रुपैयाँ पुगेको छ। यस अवधिमा सार्वजनिक संस्थानहरूको कुल सम्पत्ति ३२ खर्ब ६ अर्ब ९१ करोड रुपैयाँ पुगेको छ।