4 स्रोत · 4 समाचार

सुरु 4 दिन अघि · अपडेट 4 दिन अघि

पाँचथरमा बाढीपहिरोले चार परिवार विस्थापित, जलविद्युत् आयोजना र सडक पुलमा क्षति

Photo · globenepal.com

पाँचथरको याङवरक गाउँपालिकामा अविरल वर्षापछि आएको पहिरो र बाढीले चार परिवार विस्थापित भएका छन्। पहिरोले घर बगाएपछि र जोखिममा पारेपछि उनीहरूलाई सुरक्षित स्थानमा सारिएको हो। बाढीले निर्माणाधीन दुई सडक पुल र जलविद्युत् आयोजनामा समेत क्षति पुर्याएको छ।

• याङवरक गाउँपालिका–१ लम्बाखोलाका मोहनलाल खवास र कबिर खवास तथा कोप्चेका गङ्गाप्रसाद बेघाको घर पहिरोले बगाएको छ।
• सोही स्थानका भगीमान बेघाको घर पहिरोले उच्च जोखिममा परेपछि सो परिवारका ६ जना विस्थापित भएका छन्।
• बाढीले लामिटारबाट चाम्लिङडाँडा जोडने झोलुङ्गे पुल र याङवरक–२ दोभानेस्थित झोलुङ्गे पुलमा क्षति पुर्याएको छ।
• पुष्पलाल (मध्यपहाडी) राजमार्गअन्तर्गत याङवरक गाउँपालिका–२ दोभानेमा मेवा खोलामा निर्माणाधीन ४१ फिट लामो सडक पुल बाढीले बगाएको छ।
• तमोर करिडोर सडकअन्तर्गत हिलिहाङ गाउँपालिका र आठराई त्रिवेणी गाउँपालिकाको सीमास्थित तमोर नदीमा निर्माणाधीन लिम्बूनी पुलका संरचनासमेत बाढीले बगाएको छ।