Photo · kendrabindu.com
काठमाडौंमा आयोजित एक राष्ट्रिय कार्यशालाले भूपरिवेष्ठित विकासशील देशहरूको कनेक्टिभिटी अभिवृद्धिका लागि दिगो यातायात कोरिडोरको विकासमा जोड दिएको छ। संयुक्त राष्ट्रसंघीय एशिया तथा प्रशान्त आर्थिक र सामाजिक आयोग, नेपाल-भारत उद्योग वाणिज्य संघ र भौतिक पूर्वाधार तथा यातायात मन्त्रालयको संयुक्त आयोजनामा सम्पन्न कार्यशालामा नीति निर्माता, विज्ञ र सरोकारवालाहरूको उपस्थिति थियो। सहभागीहरूले नेपाल जस्ता भूपरिवेष्ठित राष्ट्रका लागि क्षेत्रीय र विश्वव्यापी मूल्य शृङ्खलामा सहभागी हुन यातायात र पारवहन पूर्वाधारको विकास अनिवार्य रहेकोमा जोड दिए।
आर्थिक सर्वेक्षण २०८२/८३: सडक सञ्जाल ३६,८०६ किमी नाघ्यो, डिजिटल पहुँच ८२% घरधुरीमा
आर्थिक सर्वेक्षण २०८२/८३ अनुसार, नेपालको सडक सञ्जाल ३६,८०६ किलोमिटर पुगेको छ, जसमा २०,४५६ किलोमिटर कालोपत्रे सडक रहेको छ। यसका साथै, डिजिटल टेलिभिजनको पहुँच ८२ प्रतिशत घरधुरीसम्म विस्तार भएको छ भने मोबाइल टेलिफोन ग्राहकको घनत्व १०३.२ प्रतिशत पुगेको छ।
सिँचाइ सुविधा १५ लाख ९० हजार हेक्टरमा विस्तार, सरकारी तथ्यांकमा उल्लेख्य वृद्धि
सरकारको प्रभावकारी व्यवस्थापन र विभिन्न आयोजनाको कार्यान्वयनबाट मुलुकभर सिँचाइयोग्य क्षेत्रफल विस्तार हुँदै गएको छ। अर्थ मन्त्रालयको तथ्यांकअनुसार, संघीय तहमा सञ्चालित सिँचाइ आयोजनामार्फत हालसम्म १५ लाख ९० हजार ३८८ हेक्टर क्षेत्रमा सिँचाइ सुविधा पुगेको छ। यसमध्ये पाँच लाख ३२ हजार ६५५ हेक्टर क्षेत्र वर्षभरि सिँचाइ सुविधा पाउने अवस्थामा रहेको छ।
भोजपुर–दिङ्ला सडकको पहिलो खण्डमा कालोपत्र सुरु, कोशी प्रदेश सरकारको ६२ करोड लगानी
भोजपुरको उत्तरी क्षेत्रलाई दिङ्लासँग जोड्ने ‘भोजपुर–दिङ्ला’ सडकखण्डको पहिलो चरणमा कालोपत्रको काम सुरु भएको छ। कोशी प्रदेश सरकारको करिब ६२ करोड रुपैयाँ लगानीमा पानीट्याङ्की–तीनतले खण्डको करिब १७ किलोमिटर सडकमा कालोपत्रे थालिएको पूर्वाधार विकास कार्यालयले जनाएको छ। यस सडकको भौतिक प्रगति हालसम्म करिब ५५ प्रतिशत पुगेको छ।
जापानको सहयोगमा बिपी राजमार्गको पिप्ले–बर्खेखोला खण्डको स्थायी पुनर्निर्माण सुरु
जापानको सहयोगमा बिपी राजमार्गको काभ्रेपलाञ्चोकको पिप्लेदेखि बर्खेखोला सडकखण्डको स्थायी पुनर्निर्माण कार्य सुरु भएको छ। नेपालका लागि जापानी राजदूत माएदा तोरु र पूर्वाधार विकास मन्त्रालयका सचिव गोपालप्रसाद सिग्देलले संयुक्त रूपमा परियोजनाको शिलान्यास गरेका हुन्। जापान अन्तर्राष्ट्रिय सहयोग नियोग (जाइका)को आर्थिक तथा प्राविधिक सहयोगमा ३.२ किलोमिटर सडकखण्डको पुनर्निर्माण सुरु भएको छ।
