26 स्रोत · 38 समाचार

सुरु 1 हप्ता अघि · अपडेट 3 दिन अघि

आठ विश्वविद्यालयका उपकुलपति पदका लागि २१८ आवेदनमाथि छानबिन सुरु

Photo · prasashan.com

विभिन्न आठ विश्वविद्यालयका रिक्त उपकुलपति पदका लागि २१८ उम्मेदवारको आवेदनमाथि छनोट तथा सिफारिस समितिले अध्ययन सुरु गरेको छ। उपकुलपति नियुक्तिका लागि शिक्षा तथा खेलकुद मन्त्रालयमा रहेको समितिले गत वैशाख २५ गते १० दिनको समयसीमा दिएर आवेदन आह्वान गरेको थियो।

• सबैभन्दा बढी त्रिभुवन विश्वविद्यालयको उपकुलपति पदका लागि ५० जनाले आवेदन दिएका छन्।
• पूर्वाञ्चल विश्वविद्यालय र पोखरा विश्वविद्यालयका लागि ३८/३८, राजर्षि जनक विश्वविद्यालयका लागि २७, मध्यपश्चिम विश्वविद्यालयका लागि २०, सुदूरपश्चिम विश्वविद्यालयका लागि १९, कृषि तथा वन विज्ञान विश्वविद्यालयका लागि १५ र लुम्बिनी बौद्ध विश्वविद्यालयका लागि ११ जनाले आवेदन दिएका छन्।
• आवेदकहरूको कागजात अध्ययन गरी स्वीकृत उम्मेदवारको सूची प्रकाशन गरेर छनोट प्रक्रिया आरम्भ गर्ने तयारी समितिले गरेको छ।
• गत वैशाख २४ गते स्वीकृत ‘विभिन्न विश्वविद्यालयको उपकुलपति छनोट तथा सिफारिससम्बन्धी एकीकृत कार्यविधि, २०८३’ अनुसार नयाँ नियुक्ति प्रक्रिया सुरु भएको हो।
• छनोटका लागि शिक्षामन्त्री सस्मित पोखरेल र शिक्षा तथा खेलकुद मन्त्रालयका सचिव चुडामणि पौडेलसहितको समिति गठन गरिएको छ।