राहदानी विदेश लैजान खोज्ने दुई पक्राउ, भिसा प्रोसेसिङमा संलग्नता

सार्वजनिक यातायातभित्र यात्रुको सिक्री लुटपाटमा संलग्न रहेको आरोपमा जिल्ला प्रहरी परिसर ललितपुरले चार जनालाई पक्राउ गरेको छ। प्रहरीका अनुसार १३ जेठमा कोटेश्वरबाट बल्खु तर्फ जाँदै गरेको बसभित्र एक युवतीले लगाएको सुनको सिक्री चोरी भएको उजुरीका आधारमा उनीहरूलाई सिक्रीसहित पक्राउ गरिएको हो।

पूर्वपत्नी आरती रावलले बलात्कार मुद्दाको छिनोफानो नहुँदै न्यायाधीश भुवन गिरीलाई पुनर्वहाली गरिएको विरोधमा आमरण अनसन बस्ने घोषणा गरेकी छन्। रावलले महान्यायाधिवक्ताको कार्यालयबाट मुद्दा नचल्ने निर्णय गराई गिरीलाई पुनर्वहाली गरिएको र यसले कानुनी राज्यको धज्जी उडाएको आरोप लगाएकी छन्। उनले सर्वोच्च अदालतमा बलात्कार मुद्दा विचाराधीन रहेकाले गिरीलाई तत्काल निलम्बन गर्न माग गरेकी छन्।

केन्द्रीय अनुसन्धान ब्युरो (सीआईबी)ले धितोपत्रसम्बन्धी ऐन, २०६३ अन्तर्गतको कसुरमा अनुसन्धानका लागि भन्दै दीपक भट्टसँग जोडिएका ५६ जना लगानीकर्ता तथा विभिन्न कम्पनीका उच्च पदस्थ अधिकारीहरूको सेयर कारोबार रोक्का गर्न नेपाल धितोपत्र बोर्डलाई पत्र पठाएको छ। सीआईबीले अनुसन्धान अवधिभर सम्बन्धित व्यक्तिहरूको सेयर बिक्री, हस्तान्तरण तथा कारोबार रोक्का राख्न र उनीहरूको नाममा रहेको सम्पूर्ण लगानी तथा धितोपत्र कारोबारको विवरण उपलब्ध गराउन आग्रह गरेको छ।

पश्चिम नवलपरासीको बर्दघाट नगरपालिका १ मा प्रहरीले नक्कली नेपाली नोटसहित तीन जनालाई नियन्त्रणमा लिएको छ। सोमबार साँझ चाउमिन पसलमा नक्कली नोट साट्ने प्रयास गरिरहेको अवस्थामा उनीहरूलाई प्रहरीले पक्राउ गरेको हो। प्रहरीका अनुसार उनीहरूको साथबाट ८ हजार रुपैयाँ बराबरको नक्कली नोट बरामद भएको छ।