नेपाल–चीन परियोजना संयन्त्रको बैठक जेठ १९ मा बस्ने

इरानको न्यायपालिकाले राष्ट्रपति कार्यालयसँग सम्बद्ध इन्टरनेट सेवा सुचारु गर्न आदेश दिने संस्थालाई निलम्बन गर्न आदेश दिएको छ। न्यायपालिकाको 'मिजान अनलाइन'का अनुसार धेरै उजुरीपछि 'स्पेसल हेडक्वार्टर्स फर अर्गनाइजिङ एन्ड गभर्निङ द कन्ट्रिज साइबरस्पेस' नामक संस्थालाई निलम्बन गर्ने निर्णय लिइएको हो। इरानमा सुरक्षासँग सम्बन्धित सर्वोच्च निकाय 'सुप्रिम नेसनल सेक्युरिटी काउन्सिल'ले मात्र देशमा इन्टरनेट सुचारु गर्ने निर्णय लिन सक्ने अधिकार राख्छ।

इरान–अमेरिका/इजरायल युद्धका कारण उत्पन्न आर्थिक दबाबको सामना गर्न बङ्गलादेशले अन्तर्राष्ट्रिय मुद्रा कोष (आइएमएफ) सँग नयाँ वित्तीय सहायता प्याकेजका लागि छलफल गरिरहेको छ। बङ्गलादेशका अधिकारीहरूले इन्धनको मूल्य वृद्धि र ऊर्जा सङ्कट व्यवस्थापन गर्न झण्डै २ अर्ब डलर ऋण जुटाउन प्रयास गरिरहेको बताएका छन्।

अमेरिकी सेनाले दक्षिणी इरानमा क्षेप्यास्त्र प्रक्षेपण स्थल र खानी बिछ्याउन प्रयोग हुने डुङ्गामाथि ‘आत्मरक्षात्मक’ सैन्य कारबाही गरेको छ। अमेरिकी राष्ट्रपति डोनाल्ड ट्रम्पले तेहरानसँगको वार्ता ‘सकारात्मक ढङ्गले अघि बढिरहेको’ दाबी गरिरहेकै बेला भएको यो कारबाहीले युद्धविरामको नाजुक अवस्थाबीच सैन्य तनाव र कूटनीतिक प्रयास एकैसाथ अघि बढिरहेको सङ्केत गरेको छ। घटनाबारे इरानले औपचारिक प्रतिक्रिया नदिए पनि तेहरानले अमेरिकासँग सम्भावित सहमतिबारे जारी छलफलका लागि आफ्नो संसद्का अध्यक्ष मोहम्मद बाघेर कालिबाफलाई कतार पठाएको छ।

बेलायतमा मे महिनाकै सबैभन्दा उच्च तापक्रम ३५ डिग्री सेल्सियस पुगेर ऐतिहासिक कीर्तिमान कायम भएको छ, जसले गर्दा 'लू' को घोषणा गरिएको छ र दुर्घटना बढेका छन्। यसैबीच, भारतका विदेश सचिव विक्रम मिश्रीको तय भएको नेपाल भ्रमण अन्तिम समयमा स्थगित भएको छ, जसलाई दक्षिण एसियाली कूटनीतिक सन्तुलनमा गहिरो अर्थ बोकेको संकेतका रूपमा हेरिएको छ।