मोरङ कांग्रेसले बनायो सदस्यता अध्यावधिक समिति, सबै क्षेत्रमा जिम्मेवारी बाँडफाँट

नेपाली कांग्रेस मोरङले क्रियाशील सदस्यताको अद्यावधिक अभियानलाई तीव्र बनाउँदै जिल्लाका ६ वटै निर्वाचन क्षेत्रमा समिति गठन गरेको छ । केन्द्रको निर्देशनअनुसार सदस्यता अद्यावधिकको समय जेठ २१ गतेसम्म थपिएपछि जिल्ला कार्यसमितिले क्षेत्रगत रूपमा समिति गठन गरी अभियानलाई प्रभावकारी बनाउने तयारी गरेको हो । जिल्ला सभापति डिगबहादुर लिम्बूले मोरङका सबै निर्वाचन क्षेत्रमा जिम्मेवारीसहित समिति गठन गरेर अभियानलाई तीव्र बनाइएको जानकारी दिए ।