आणविक हतियार बनाउन मिल्ने युरेनियम देश बाहिर नपठाउने इरानको घोषणा 

इरानका नयाँ सर्वोच्च नेता मोजताबा खामेनीले आफ्नो देशमा रहेको आणविक हतियार बनाउन मिल्ने युरेनियमको भण्डार देश बाहिर लैजान रोक लगाएका छन्। विशेषज्ञहरूका अनुसार इरानसँग करिब ४०० केजीभन्दा बढी परिष्कृत युरेनियम छ, जसलाई थप प्रशोधन गरेमा परमाणु बम बनाउन सकिन्छ। अमेरिकाले शान्ति वार्ताका लागि इरानले युरेनियम देश बाहिर पठाउनुपर्ने सर्त राखेको थियो।