म्यानचेस्टर सिटीलाई एफए कपको उपाधि 

म्यानचेस्टर सिटीले एफए कपको उपाधि जितेको छ। शनिबार वेम्बली स्टेडियममा भएको फाइनल खेलमा चेल्सीलाई १-० ले पराजित गर्दै सिटीले घरेलु कपमा दोहोरो सफलता हात पारेको हो। खेलको दोस्रो हाफमा एन्टोन सेमेन्योले गरेको उत्कृष्ट ब्याक-हिल गोल नै खेलको निर्णायक बन्यो। यो जितसँगै प्रशिक्षक पेप ग्वार्डिओलाले इङ्ग्लिस फुटबलमा आफ्नो २०औँ उपाधि पूरा गरेका छन्।