इलाका प्रहरी कार्यालय चन्द्रनिगाहपुर

रौतहटको चन्द्रनिगाहपुरमा महेन्द्र राजमार्गमा यात्रुवाहक बसले विपरीत दिशाबाट आउँदै गरेको मोटरसाइकललाई ठक्कर दिँदा मोटरसाइकल चालक शेख गुलामको घटनास्थलमै मृत्यु भएको छ। प्रहरीले बस चालक लक्ष्मीभक्त ओझा र बसलाई नियन्त्रणमा लिएको छ।

रौतहटको चन्द्रपुर नगरपालिका–४ मा मदिरा सेवन गरेका विमल मोक्तानले बाटोमा हिँडिरहेका विष्णु सुवेदीलाई कुटपिट गर्दा सुवेदीको मृत्यु भएको छ । घाइते सुवेदीको उपचारका क्रममा मृत्यु भएको हो । प्रहरीले मोक्तानलाई पक्राउ गरी घटनाबारे थप अनुसन्धान गरिरहेको छ ।