कुन्दनराज काफ्ले

नेपाली कांग्रेसका सभापतिले पार्टीलाई एकजुट बनाउन छलफल गरिरहेका छन् भने संस्थापनइतर पक्षले छुट्टै गतिविधिहरू जारी राखेको छ। संस्थापनइतर पक्षका नेता रमेश लेखकले पार्टी एकताका लागि सभापति गगन थापालाई लचकता अपनाउन आग्रह गरेका छन्। यद्यपि, युवा नेता कुन्दनराज काफ्लेले विशेष महाधिवेशनको औचित्यमाथि प्रश्न उठाउँदै यसलाई नियोजित र प्रायोजित भनेका छन्।

नेपाली काँग्रेसको संस्थापन इतर समूहले पार्टीगत गतिविधि समन्वय र आगामी १५औँ महाधिवेशनको तयारीका लागि काठमाडौंको अनामनगरमा सम्पर्क कार्यालय स्थापना गरेको छ । निवर्तमान सभापति शेरबहादुर देउवा पक्षसँग नजिक मानिने नेताहरूको सक्रियतामा खोलिएको उक्त कार्यालयले पार्टीभित्र एकता मजबुत बनाउँदै महाधिवेशन तयारीमा सहयोग पुर्‍याउने समूहका नेताहरूले बताएका छन् ।