गङ्गालक्ष्मी अवाल

नेपालमा क्यान्सर उपचारमा प्रयोग हुने अत्यावश्यक किमोथेरापी औषधि 'कार्बोप्लाटिन' र 'सिस्प्लाटिन'को अभाव देखिएको छ। यसले गर्दा क्यान्सरका बिरामीको उपचार प्रभावित भएको र उनीहरूको जीवन जोखिममा परेको चिकित्सकहरूले बताएका छन्। यो अभावले गम्भीर सार्वजनिक स्वास्थ्य संकट निम्त्याएको उनीहरूको भनाइ छ।

नेपाली कांग्रेसकी सांसद गंगालक्ष्मी अवालले प्रतिनिधिसभाको बैठकमा भक्तपुर क्यान्सर अस्पतालबाट आएको फोनको हवाला दिँदै देशभर क्यान्सर उपचारमा प्रयोग हुने 'कार्बोप्लाटिन' नामक जीवनरक्षक औषधिको चरम अभाव रहेको र बिरामीहरू उपचारबिनै घर फर्किन बाध्य भएको भन्दै सरकारको ध्यानाकर्षण गराएकी छन्। उनले तत्काल औषधिको आपूर्ति सहज बनाउन स्वास्थ्य मन्त्रालय र सरकारसँग जोडदार माग गरेकी छन्।

प्रतिनिधिसभाको बैठकमा नेकपा (एमाले)का सांसद ऐन महरले बझाङको सुर्मा गाउँपालिकाको उच्च हिमाली क्षेत्रमा यार्सागुम्बा सङ्कलन गर्न गएका २२ वर्षीय प्रेम बोहरा लेक लागेर गम्भीर बिरामी परेको र उनको तत्काल उद्धार गर्नुपर्ने भन्दै सरकारको ध्यानाकर्षण गराउनुभएको छ। यसैगरी, कांग्रेस सांसद गङ्गालक्ष्मी अवालले क्यान्सरका बिरामीलाई आवश्यक कार्गोप्लाटिन औषधिको अभावले उपचारमा समस्या भएको भन्दै तत्काल औषधि उपलब्ध गराउन माग गर्नुभएको छ।