गेरुका धाम

महोत्तरीको लोहारपट्टी नगरपालिका–४ स्थित खुट्टा पिपरारी क्षेत्रमा प्रत्येक तीन वर्षमा एकपटक पर्ने मलमास (पुरुषोत्तम मास) को अवसरमा एक महिने गेरुका स्नान मेला सुरु भएको छ । आइतबारदेखि सुरु भएको यस मेलामा हजारौं श्रद्धालु भक्तजनले पवित्र स्नान, पूजाआराधना र दर्शन गरिरहेका छन् । धार्मिक ग्रन्थ तथा जनविश्वास अनुसार यस नदीमा स्नान गरे पापबाट मुक्ति मिल्ने र मनोकामना पूरा हुने विश्वास छ ।