धनुषा

एनआईसी एशिया बैंकले संस्थागत सामाजिक उत्तरदायित्व अन्तर्गत धनुषाको महेन्द्रनगरस्थित श्री दुधमती राष्ट्रिय प्राथमिक विद्यालयमा शैक्षिक सामग्री सहयोग गरेको छ। बैंकले १३८ भन्दा बढी विद्यार्थीहरूको पठनपाठनलाई सहज बनाउन झोला तथा अन्य आवश्यक शैक्षिक सामग्री उपलब्ध गराएको हो। यस सहयोगले विद्यालयमा गुणस्तरीय शैक्षिक वातावरण निर्माणमा मद्दत पुग्ने बैंकले जनाएको छ।

सशस्त्र प्रहरी बलले धनुषाका विभिन्न स्थानबाट करिब १४ लाख रुपैयाँ बराबरको अवैध सामान बरामद गरेको छ। सीमावर्ती क्षेत्रमा सञ्चालित विशेष निगरानी तथा जाँच अभियानका क्रममा भारतबाट भन्सार छली गरी नेपाल भित्र्याइएको आशंकामा कपडा, किराना र दैनिक उपभोग्य सामग्री नियन्त्रणमा लिइएको हो। बरामद गरिएका सामान आवश्यक कारबाहीका लागि सम्बन्धित भन्सार कार्यालयमा बुझाइने सशस्त्र प्रहरीले जनाएको छ।

मधेश प्रदेशमा बैंक तथा वित्तीय संस्थाहरूको कुल निक्षेप २०.९० प्रतिशतले वृद्धि भई ४ खर्ब २७ अर्ब २७ करोड रूपैयाँ पुगेको छ । सोही अवधिमा कर्जा प्रवाह २.१७ प्रतिशतले बढेर ५ खर्ब ७ करोड रूपैयाँ पुगेको छ । निक्षेप परिचालन र कर्जा प्रवाहको आँकडालाई तुलना गर्दा अन्य प्रदेशहरूमा संकलन भएको वित्तीय स्रोत मधेश प्रदेशमा स्थानान्तरण भई त्यसको उपयोग भएको देखिएको छ ।

एनआईसी एशिया बैंकले संस्थागत सामाजिक उत्तरदायित्व अन्तर्गत धनुषाको महेन्द्रनगरस्थित श्री दुधमती राष्ट्रिय प्राथमिक विद्यालयलाई शैक्षिक सामग्री सहयोग गरेको छ। बैंकले विद्यार्थीहरूको पठनपाठनलाई सहज बनाउने र गुणस्तरीय शैक्षिक वातावरण सिर्जना गर्ने उद्देश्यले झोला तथा अन्य सामग्री हस्तान्तरण गरेको जनाएको छ।

महोत्तरीको लोहारपट्टी नगरपालिका–४ स्थित खुट्टा पिपरारी क्षेत्रमा प्रत्येक तीन वर्षमा एकपटक पर्ने मलमास (पुरुषोत्तम मास) को अवसरमा एक महिने गेरुका स्नान मेला सुरु भएको छ । आइतबारदेखि सुरु भएको यस मेलामा हजारौं श्रद्धालु भक्तजनले पवित्र स्नान, पूजाआराधना र दर्शन गरिरहेका छन् । धार्मिक ग्रन्थ तथा जनविश्वास अनुसार यस नदीमा स्नान गरे पापबाट मुक्ति मिल्ने र मनोकामना पूरा हुने विश्वास छ ।

धनुषाका एक २१ वर्षीय युवकलाई दोलखाको शैलुङ क्षेत्रमा करिब १५ वर्षीया नाबालिकामाथि जबरजस्ती करणी गरेको आरोपमा प्रहरीले पक्राउ गरेको छ। जिल्ला प्रहरी कार्यालय दोलखाका अनुसार पीडित पक्षका आफन्तले दिएको उजुरीका आधारमा अन्जन लामालाई प्रहरीले शैलुङबाट नियन्त्रणमा लिएको हो। प्रहरीले घटनाबारे थप अनुसन्धान गरिरहेको जनाएको छ।

राष्ट्रिय तथ्याङ्क कार्यालय, तथ्याङ्क समन्वय कार्यालय धनुषाले मधेस प्रदेशको चालु आर्थिक वर्षको आर्थिक वृद्धिदर १.३१ प्रतिशतमा सीमित रहने अनुमान गरेको छ। पर्याप्त पानी नपरेका कारण धान र मत्स्य उत्पादनमा नकारात्मक प्रभाव परेकाले विगत तीन वर्षयताकै सबैभन्दा कम आर्थिक वृद्धिदर हासिल हुने जनाइएको छ।

राष्ट्रिय तथ्यांक कार्यालय, धनुषाले मधेस प्रदेशको चालु आर्थिक वर्षको आर्थिक वृद्धिदर १.३१ प्रतिशतमा सीमित रहने अनुमान सार्वजनिक गरेको छ। पर्याप्त पानी नपरेका कारण धान र मत्स्य उत्पादनमा नकारात्मक प्रभाव परेकोले विगत तीन वर्षयताकै सबैभन्दा कम वृद्धिदर हासिल हुने कार्यालयले जनाएको छ।

गत आर्थिक वर्ष २०८१/८२ मा मधेश प्रदेशका विभिन्न जिल्लामा वर्षौंदेखि अतिक्रमित ४४२ हेक्टर वन क्षेत्रलाई अतिक्रमण मुक्त गरिएको छ। मधेश प्रदेश वन निर्देशनालयका अनुसार थप अतिक्रमित वन क्षेत्र खाली गर्न सम्बन्धित वन कार्यालयहरूले सूचना जारी गरेका छन्। यस कार्यमा राजनीतिक र स्थानीय संयन्त्रको समन्वय आवश्यक रहेको निर्देशनालयले जनाएको छ।