चलचित्र पत्रकार संघ

पत्रकार मिलन ढुंगानालाई चलचित्र पत्रकार संघ नेपालले आफ्नो २७औँ वार्षिकोत्सव तथा राष्ट्रिय चलचित्र पत्रकारिता दिवसको अवसरमा नगद २५ हजार रुपैयाँसहित राष्ट्रिय चलचित्र पत्रकारिता प्रोत्साहन पुरस्कार, २०८३ बाट पुरस्कृत गरेको छ । एक दशकभन्दा लामो समयदेखि पत्रकारितामा सक्रिय ढुंगाना रेडियो नेपाल र एमएनएम मिडियामा आबद्ध छन् ।

चलचित्र पत्रकार संघ नेपालले चलचित्र पत्रकारिता दिवसको अवसरमा ७ जना पत्रकारलाई सम्मान र पुरस्कार प्रदान गरेको छ। संघको २७औं वार्षिकोत्सवको अवसरमा आयोजित कार्यक्रममा विभिन्न विधामा पुरस्कार वितरण गरिएको थियो। कार्यक्रममा अभिनेता राजेश हमाल र अभिनेत्री करिश्मा मानन्धर लगायतले चलचित्र पत्रकारिताको महत्वबारे बोलेका थिए।

चलचित्र पत्रकार संघ नेपालले आफ्नो २७औँ वार्षिकोत्सव तथा राष्ट्रिय चलचित्र पत्रकारिता दिवसका अवसरमा विभिन्न सम्मान र पुरस्कार वितरण गरेको छ। संघले पत्रकार अनन्त वाग्लेलाई ‘राष्ट्रिय चलचित्र पत्रकारिता रजत सम्मान’ र स्वर्गीय दिनेश सिटौलालाई ‘राष्ट्रिय चलचित्र पत्रकारिता मरणोपरान्त विशेष सम्मान’ प्रदान गरेको छ। यसका साथै, जयन सुब्बा मानन्धर, कुवेर गिरी, वैकुण्ठराज पराजुली, सुरक्षा भट्टराई र मिलन ढुङ्गानालाई पनि विभिन्न सम्मान तथा पुरस्कारबाट पुरस्कृत गरिएको छ।

महानायक राजेश हमाल र अभिनेतृ करिष्मा मानन्धरले नेपाली चलचित्र र पत्रकारिता क्षेत्र एकअर्काका परिपूरक रहेको बताएका छन् । हमालले चलचित्र पत्रकारिता दिवसको अवसरमा बोल्दै दुवै क्षेत्रले समयक्रमसँगै उल्लेखनीय फड्को मारेको र वर्तमान समयमा सूचनाको अत्यधिक प्रवाह तथा क्लिक कल्चरले चुनौती थपेको उल्लेख गरे । मानन्धरले चलचित्र क्षेत्रलाई दर्शकमाझ पुर्‍याउने मुख्य माध्यम सञ्चार जगत नै भएको र दुवै क्षेत्रले सँगसँगै विकासको यात्रा तय गरेको बताइन् ।

महानायक राजेश हमालले नेपाली चलचित्र र पत्रकारिता क्षेत्र एकअर्काका परिपूरक रहेको बताएका छन् । उनले वर्तमान समयको 'क्लिक कल्चर' र प्रविधिले निम्त्याएका चुनौतीप्रति चिन्ता व्यक्त गर्दै सूचनाको बाढीले पाठकको ध्यान आकर्षित गर्नु पत्रकारिताको सबैभन्दा ठूलो चुनौती बनेको बताए । हमालका अनुसार, एल्गोरिदम र भाइरल हुने होडबाजीले गर्दा विषयवस्तुको गम्भीरता हराउँदै गएको छ ।