मिलन ढुंगाना

पत्रकार मिलन ढुंगानालाई चलचित्र पत्रकार संघ नेपालले आफ्नो २७औँ वार्षिकोत्सव तथा राष्ट्रिय चलचित्र पत्रकारिता दिवसको अवसरमा नगद २५ हजार रुपैयाँसहित राष्ट्रिय चलचित्र पत्रकारिता प्रोत्साहन पुरस्कार, २०८३ बाट पुरस्कृत गरेको छ । एक दशकभन्दा लामो समयदेखि पत्रकारितामा सक्रिय ढुंगाना रेडियो नेपाल र एमएनएम मिडियामा आबद्ध छन् ।

चलचित्र पत्रकार संघ नेपालले चलचित्र पत्रकारिता दिवसको अवसरमा ७ जना पत्रकारलाई सम्मान र पुरस्कार प्रदान गरेको छ। संघको २७औं वार्षिकोत्सवको अवसरमा आयोजित कार्यक्रममा विभिन्न विधामा पुरस्कार वितरण गरिएको थियो। कार्यक्रममा अभिनेता राजेश हमाल र अभिनेत्री करिश्मा मानन्धर लगायतले चलचित्र पत्रकारिताको महत्वबारे बोलेका थिए।